Pako Aristi

“Etxebizitza eskubidearena ikusi dudan aldarrikapen burgesena da”

Sustrai Colina
2008ko irailaren 07a
Pako Aristi
Dani Blanco
Oso jende gutxirekin haserretu omen da bera. Besteak ei dira berarekin haserretzen direnak. Zergatik ote?

Zergatik bizi zara kritikatzen duzun herri prototipoan?


Herriko putakume handienak mezetara joaten ikusteak pentsamendua garatzen asko laguntzen didalako.

Ateoa eta elizako organista. Zuri harpa jotzea gustatzen zaizu!


Igandero mezetara joatea da ateo bihurtzeko modurik onena. Aspertu egiten naiz. Pentsa, hutsuneak egunkaria irakurtzen pasatzen ditut.

Aspertzeko ez dago mezetara joan beharrik, nahikoa da telebista piztea.


Telebista hamar ordu lanean sartu dituen gizarajoak bere bizitza jasangaitz hori anestesiatzeko behar duen tresna da. Telebistan agertzen ez dena ez dela existitzen iruditzen zaigu, baina justu kontrakoa da, telebistan agertzen dena da irreala.

Orain ere zure burua zuritzen! Ez esan telebistan agertzen zen Pako Aristi irreala zenik!


Telebistak 25 urteko lana urtebetean estali dezake. Nik tarteka telebistan agertzen den idazle bat izan nahi dut, ez tarteka liburu bat ateratzen duen telebistako tertuliano bat.


Tertulianoekin ez naiz fidatzen. Idazleekin fidatu ninteke?


Ez, jende arraro samarra da, nahiko asoziala, fantasia batean bizi dena. Gehienak, ni neu barne, oso banidosoak dira. Tira, ni behintzat banidadea kentzen ari naiz nire bizitzatik. Garbiketa emozionala behar nuen.


“Kaixo, Pako naiz eta banidosoa naiz”…


Asko nekiela, ia-ia jenioa nintzela, sinetsi nuen. Ez zitzaizkidan besteen iritziak interesatzen, nire pentsamendua baino hoberik ez zegoela uste nuen. Dena nekielakoan, urte asko pasa ditut ezer ikasi gabe.

Segi besteoi leporatzen dizkiguzunak zeure buruari egozten!


Iraultzaile ezkertiarra naiz baina nire bizitza gozoa da. Terrazan kafea hartuz aldatu nahi dut mundua eta nekez egoten naiz deseroso.


Ez esan terrazan kafea hartzetik bizi zarela!


Egindakoa kobratzea gustatzen zait, ez dirua irabaztea. Funtzionamendu karibetarra daramat, alegia, kobratutakoa gastatu arte ez naizela lanera itzultzen. Askoz arazo ekonomiko larriagoak dauzkate, ordea, dena diruaren inguruan antolatuta daukatenek.


Euriborra dagoen bezala egonda, zer nahi duzu ba?


Etxebizitza eskubidearena ikusi dudan aldarrikapen burgesena da. Orain arte, jendeak ez du sekula pisu bat erosteko dirurik eduki, edo oso berandu erosi du. Gazteek soldatak bizitza mailaren neurrira igotzea eska dezatela, baina etxebizitza eskubidea? Mesedez!

Azkenak
2017-11-22 | Miren Osa Galdona
Bi urteko kartzela zigorra eskatzen diote youtuber bati GRAPOko kide ohiak elkarrizketatzeagatik

Bi urteko espetxealdia eta 2.000 euroko isuna eskatzen ditu Fiskaltzak Alex Garcia 23 urteko youtuberrarentzat.  Pasa den uztailean deklaratu zuen Auzitegi Nazionalean, terrorismoa goraipatzeaz akusatuta.


2017-11-22 | Zebrabidea
"Ekonomia eraldatzailearen inguruko sentsibilizazio gero eta gehiago dago"

Koop57ko kide den Liher Gonzalez asteburuan Errenterian egindako Merkatu Sozialaren inguruan aritu zaigu.


AHT eraikitzeko diruaren %30 Espainiako hiru multinazionalek bereganatu dute

Euskal Y delakoaren esleipenetan Isolux-Corsan, Acciona eta ACS konpainia espainiarrak dira gehien jaso dutenak. Euskal jatorriko enpresak atzealdeko bagoietan geratu dira.


2017-11-22 | ARGIA
Auzitegi Gorenaren esku utzi du Lamelak Generalitateko kideen kontrako auzia

Urriaren 27an independentzia aldarrikatu zuen Kataluniako Parlamentuak. Egun berean, Espainiako Konstituzioaren 155. artikulua aplikatu zieten, autonomia Madrildik gidatzeko asmoz. Egoera politiko nahasia etengabe aldatzen doan honetan, minutuz minutuko jarraipena egiten ari gara.


2017-11-22 | Guaixe .eus
Altsasuko auzia apirilean epaituko da

Zigor Kodeko terrorismo delituei buruzko 573 artikuluan oinarrituta auzipetu dituzte altsasuarrak. Haietako hiru espetxean daude eta epaiketa aurretik askatzen ez badituzte behin behineko 17 hilabeteko espetxealdia egina iritsiko dira


2017-11-21 | Unai Brea
Euskararen normalizazioan aurrerapausoak egiteko 13 neurri proposatu ditu EHEk

Azaroaren 24an 35 urte beteko dira Eusko Legebiltzarrak EAEko Euskararen Legea onartu zuela. Urteurrenaren atarian, euskaldunen hizkuntz eskubideak errespetatzeko eta hizkuntz normalizazioa lortzeko bidean bete beharreko gutxieneko hamahiru puntu jarri ditu mahai gainean Euskal Herrian Euskaraz taldeak, beren ustez Eusko Legebiltzarrean lanean ari den autogobernurako ponentziak jaso beharko lituzkeenak.


2017-11-21 | Unai Brea
Usurbilek Aarbeko ura baino ez du erabiliko gastroenteritisaren jatorria guztiz argitu bitartean

Usurbilgo alkate Xabier Arregik eta Añarbeko Urak partzuergoko kudeatzaile Joxean Ercillak azalpenak eman dituzte joan den astean herrian izandako gastroenteritis piztualdiaz. Arregik adierazi duenez, momentuz Añarbeko uraz baizik ez dira hornituko usurbildarrak, udalaren ur baliabideak biltzen dituen Erroizpeko biltegian kutsadura zerk eragin zuen argitu arte, nahiz eta une honetan garbi dagoen hango ura ere.


2017-11-21 | dantzan.eus
Dantza eta bideoa uztartuko ditu Zinetika jaialdiak Iruean eta Donostian

Zinetika jaialdiaren II. edizioak dantzari buruzko bideo-sorkuntzak emango ditu azaroaren 22tik 25era. Jaialdiaren helburua mugimenduaren bitartez adierazten den zinemaren erakusleiho izatea da, eta ikus-entzunezko medioen bitartez, dantzaren aniztasuna eta koreografia-sormen bereziak helaraziko dizkie ikusleei. Azaroaren 22an eta 23an Iruñeko Kondestable jauregian egingo da jaialdia, eta azaroaren 24an eta 25ean Donostiako Tabakaleran. 


2017-11-21 | Uriola.eus
Deustualdean, ostegunetik aurrera, '11 Egun Euskaraz'

Azaroaren 23tik abenduaren 3ra gauzatzekoa den 11 Egun Euskaraz ekimenean dagoeneko 707 pertsonak eman dute izena. Deustualdean euskararen erabilera sustatzea xede duen proiektua abian da eta jendearen partaidetza ezinbestekoa izango da.


Lehen egunetik kultur betekada Durangoko Azokan: 200 ekitaldi bost egunean

200 kultur ekitaldi baino gehiago antolatu dituzte aurtengo Durangoko Azokaren bost egunetarako: liburu eta diskoez gain, zinema, antzerkia eta bideo-jokoak ere present izango dira 52. edizio honetan.


ASTEKARIA
Azkenak
EGILEA
Eguneraketa berriak daude