UNEDek eta Eusko Jaurlaritzak adostutako akordioaren ondorioz hurrengo ikasturtetik aurrera Espainiako Estatuko edozein zentrotan euskara eta euskal kultura ikasteko aukera izango da. Programa duela urte batzuk jarri zuten abian Amerikako eta Europako zenbait unibertsitatetan. Guztira, egun, 13 herrialdetako 25 unibertsitatek ematen dute aukera hori.