“Ohore krimenen” azken zenbakiak
- Joan zen maiatzaren lehen hamar egunetan, 14 emakume hil ziren Suleymanian, Irakeko Kurdistango bigarren hirian. Erdiak bere buruaz beste egin zuen, eta beste erdia ohore krimenen biktima izan zen.
- Epe berean, beste 11 euren buruei su ematen saiatu ziren.
- Irakeko Kurdistango Gobernuaren arabera, soilik Suleymaniako eskualdean 50 emakume saiatu dira beren buruei su ematen aurtengo lehen lau hilabeteetan. Beste zortzik urka hautatu dute.
- Irakeko Nazio Batuen Misioarentzat “ohore krimena” giza eskubideen kontrako erasorik handiena da Iraken.
- Nazioarteko hainbat erakundek dio 12.500 emakume hil direla 1991z geroztik Irakeko Kurdistanen, suizidio edo “ohore krimenen” biktima.
- 2007ko azaroan, Giza Eskubideetarako ministro den Aziz Mohamedek biktima gehienak 13-18 urtekoak zirela onartu zuen.
- Parlamentuko Emakumeen Taldeko liderra den Bakhshan Zanganarentzat, suizidio saiakera anitzak etxeko indarkeriaren eta krudeltasunaren ondorio dira.