Javier Ortizek Diario de Noticias de Alavan gaztelaniaren aldeko manifestuaz esanak: "Manifestua sinatu dutenek ziurtzat jotzen dute espainiar naziotasuna dutenak (NAN espainiarra, uler gaitezen), arazorik gabe komunikatu daitezkeela gaztelaniaz, adimenaren ñabardura guztiak hizkuntza horretan komunika ditzaketela. Baina ez da egia. NAN espainiarra poltsikoan daraman askorentzat gaztelania komunikazio bide bortxazkoa da. Askoz hobeto moldatzen da hitz egiten, pentsatzen eta maitatzen ikasi duen hizkuntzan. Inork ezin du derrigortu, ez bada bortxaz, hitz egiteko edo idazteko zailtasunak dituen hizkuntzan aritzera. Frantsesez hitz egiteko eta idazteko nolabaiteko gaitasuna izateak ez dakar inork ni derrigortzea giza harremanak frantsesez izatera.

"Baina zu ez zara frantziarra, espainiarra baizik!”, esaten didate. Beraz, kontua hori da: naziotasun bat atxiki didate eta horrek betebehar saihestezinak dakartza. Beraz, ez gara hizkuntzez hitz egiten ari, politikaz baizik. Hortik hasi besterik ez genuen!".