Ernio, Mendikute, Gazume, Pagoeta, Erlo... tontorrak oso ezagunak dira euskal mendizaleen artean. Baina beharbada ez dio inork hainbeste arreta jartzen inguruan dituzten ibar eta muinoei. Han daude ezin ederragoak diren Aiztondo, Errezil, Lastur, Kilimon edo Goltzibar bezalako haranak, esate baterako. Bada, horietara tipi-tapa iristeko 35 era ezberdin eskaini dizkigute Miguel Angulok eta Kike Zinkunegik Sua argitaletxearen bidez kaleratu duten Ernio, Pagoeta Izarraitz. Excursiones, ascensiones, travesías gida-liburuan.