Bernardo Maria Garro, Otxolua (1891-1960) mundakarrari eskaini dio Adolfo Arejitak Idatz & Mintz literatur ataleko sorta bat. Xehetsun handiz idazlearen berri eman eta gero, Otxoluak euskal itzulpengintzari utzi zizkion lanetatik batzuk argitaratu ditu, besteak beste, Abere dontsuak obraren Lehenengo gaua kapituluko aurreneko atala eta Mistralen Mireio lanaren bizkaierazko itzulpena. Idatz & Mintzen 43. zenbakiak beste hainbat egileren lanak ere bildu ditu, Asel Luzarraga edo Miren Ibarluzea, besteak beste.