Andoni "Amorebieta IV." pelotariari elkarrizketa
Amorebieta IVgarren Pelotaria
Orain aldi andirik eztala jakin neban, da atsegin andia artu neban benetan, zelan Larruzea'tar Andoni "Amorebieta IV'gna", guretzat beti Andoni, Kirol Ordaritza Errikoak edo Delegación Nacional de Deportes'ek sarigarri domiña, medalla, emoteko baiestua izan dala Madrid'en, da, ori jakiñik alegindu nintzan beraz, Andoni adiskide zintzo ta euzkaltzale jatorraz aurkituten, asteroko ontarako itaun batzuk egiteko asmu onez. Egiz, etzan ain gaitz bera aurkituten sarritan dabillalako Galdakano'n beren saleroste goraberatan. Ikusi gendubanez batera zorionak emon da esan nion: Benetan poztuten naz, Andoni, egin dautzuben berezkun edo distintziñua gaitik; jakiten zengozan zelan emongo datzuben sarigarri domiña ori?
–Jakitun nenguan zelan Bizkai'tik Madrid'era bidalduta eguan nire pelotaritzako edestija baña, enekilan emongo ba-leusten edo ez; alan da ze poztasun andija artu dot jakin dotanian emoten daustela.
–Andoni, lenago esan bear neutzun; zutzaz zerbait idatzi gura neuka ZERUKO ARGIA'n beren irakurleak jakin daien nor eta zetariko pelotaria izan zeran, orretarko itaun batzuk egingo neuskitzuz erantzun nai badozu.
–Bai ta pozik, batez bere euzkerazko izparringi etarako izan ezketiño, –erantzan leustan Zornotza' ko euskera jator goxuan.
–Badakit gaur Zornotza (Amorebieta)'z bat eginda dagon Etxano' kue zarena, ze, ia jayoten ikusi dautzut eta, baña, zeuk nai ba'dozu esan, esango dot zenbat urte daukozun, ikusi daien gure irakurleak ze aro onian egin biar izan dozun pelotatik alde.
–Ba, orain ogei ta arnairu urte jayo ei-nintzan, zeuk ondo ezagutzen dozan Etxano'n, baña badakixu, erri au ta Zornotza (Amorebieta) alkarren tartian dagonzan legez, "Amorebieta IV", izen ordiaz ezagutu nabe nire aita ta osabak legez edo, urren.
Noiz ta non asi zintzan pelotan jokatuten?
–Ia jaio nintzanian; ze umetxutatik Bilbao'ko, Euskaldunan egon nintzan neure gurasuakaz da; baña, benetan jokolari lez Donosti'n jokatu neban Inza II lagundodala, ,"Begoñes VII eta VI anayak'ren aurka amar urtedun nintzala, eta bizibide lez edo profesional Euskalduna'n amazortzi urte neukezanian.
–Urren zein pelota tokitan jokatu dozu
–Toki askotan, geyen Euskalduna'n izan bada be... Donosti'n, Iruña'n, Barzelona, Mexiko ta Madrid' en alde egin arte.
–Badakit gazte zagozala pelota jokatutia itxi biar izan zendubana –orain be gazte zara ta–noz arte jokatu zendun?
–Orain lau urterarte; Madrillen sasoitsu jokatuten nenguala gaxo zatar batek oratu leustan da, itxi egin bear izan neutsan jokatutiai.
Bai, benetan samingarria izan zan pelota-zale guztiontzat, eta, pelota jokuarentzat, zuk ain gazterik pelota itxibearra: Zeintzuk izan dira euski dozuzen areriorik gogorrenak ?
–Goroz eta Begoñes VII.
–Eta zeure aldiko pelotaririkonenak ?
–Esan dodazen biok.
–Eta zergaitik ez zeu, ludiko palazko pelotari onena zarela esaten ba'eban pelotazaliak?
–Ori pelotazaliak esan biarko dabe.
Ogibidez legez jokatutia itxi zendubanik ona jokatu dozu?
–Bai orixe! aztie daukaten guztietan, osasunerako egokila dalako.
–Zelan ikusiten dozu, aldi ontan, palazko pelota?
–Guztiz illun txarto... eztalako jokatuten toki gitxiten baño.
Orain be Madrid, Barzelona ta Mexiko'n jokatuten da pixka bat, ezta?
–Bai baña, uriburu ortako pelotatokietan jokatuten dabenak be, euskotarrak, emenguak dira, angua artian peloteri gitxik urtetan dau, eta, orregaitik dago galdu aruan, emen Euskalerrian eztalako aldi ontan. Palazko pelota kirola, beste pelota era guztiek legez, emen euskotarron artian jokatu bear da, geure-geuria danez bijotzijan daruaguleko, eta, pelotaria urtetako, benetan zalia zalia izan bear dalako. Euskalerri'ko pelotatikietan orain baño gelago jokatuten ezpa-da, laster galdua izango da gure joko garbi ta kementsua.
–Alantxe da Andoni; eztakigu gure abendakuak, gure aurreka euskaldunak sortua bada pelota jokua, baña, dakiguna da geuriak egiña ezpa-da be, geuretzako egiñalakua dala, ta geuria legez aldextu bear dogula. Eta amaitzeko azken itaun bat Andoni: Zuk uste dozu kaltegarri dala kirola ikaskintza ta beste eginkizun sakonatarako ?
–Nik eztakit zelan iñork orretara oldoztu leiken, ze, edozeñek daki, kirola neurriz egin ezketiño, osasungarria dana, batez bere gazarentzat, gorputz senduagua ta lerdenagua asiten dabelako, eta, badakizu esaeria "gorputz zindua, arime garbia". Niretzako beintzat, kirola ezta izan eragozpena beste edozein eginkizun betetako.
Ni be orretan nago Andoni, ta orretara esango dot neure irakurliai.
BASA-JAUN
Amorebieta IV y Goroz
11
GaiezKirolaPilotaPilotariak
PertsonaiazAMOREBIETA1
EgileezBASAJAUN1Kirola
