Gutun irekia politikari euskaltzaleoi!

  • Abenduaren 3aren biran aritu gara berriki, gure hizkuntza apal eta apaletsiaren egunaren birundan. Administrazioan zuek, politikari euskaltzaleok, gure eleari eman diezaiokezuen bultzadaz hitz egin nahi dizuet.
Pako Sudupe
Pako Sudupe idazleaDani Blanco
Oroz lehen, zeuen baitatik hasi beharko duzue hausnarketan. Kontzientzia indartzeko gogoeta egitea zein beharrezkoa den! Seguru bat zatoztela nirekin honetan: euskalgintzan aurrera aberrigintzan ere bai; eta aldez beste: euskalgintzan egonean aberrigintzan lozorroan! Euskararik gabeko independentzia guztiz mamirik gabea. Zer hizkuntzatan mintzo zarete taldean; zer hizkuntzatan lantzen dituzue gaiak?

Administrazioaren zerbitzupean ari diren langileek –gehientsuenek behinik behin– hortxe nonbait dute dagokien hizkuntza eskakizuna ezarria. Politikariok ez, non ez diozuen zeuen buruari ezartzen! Gaiak gainera tabu itxura handiak ditu. Nola errespetatuko dituzte euskaraz ez dakiten politikariek euskaldunen eskubideak? Zer bide jorra dezakezue, euskal hautetsiok horra heltzeko, hots, zuek bezala Euskal Herriko politikariak euskaldunak izan daitezen?

Esan beharrik ez, herritar orok bezala betebeharrak eta eskubideak dituzue. Euskaraz bizi ez ezik lan ere egin nahi duzuenok: zer tresna balia ditzakezue zuen euskalgintza oztopatua izan ez dadin? Udalbatzarretan eta informazio batzordeetan itzulpen zerbitzuaz baliatzea izan liteke behin-behineko irtenbidea? Euskaldun ez diren politikariekin gutxieneko akordioetara iristerik baduzue?

Teknikariekin harreman usua ohi duzue. Oro har, badakizue, aski maila ona izan ohi dutela euskaraz. Jarrera kontuan denetarik, noski. Gure hizkuntzan lan eginez elkar adoretu dezakezue, elkar motibatu eta behingoz euskaldun zirkuituak finkatzen lan handia egin. Badakizue zuen jokaera erdarazkoa bada, horretara bideratuko dituzuela, eta alderantzizkoa bada, euskarara.

Azkenik, baina ez gutxienik garrantzizkoena, herritarrekin badakizue eragin handia duzuela. Urte luzetako zapalkuntzaren ondorioz euskaldun askoren jokabidea ez da batere eredu ona, baina hor ere asko egin dezakezue, gure hizkuntza apala gaurgero apaletsia izan ez dadin.

Itxurakeriarik gabe, ohiko diskurtso harro mamirik gabekoak alde batera, zintzotasunez eta jarraibidea erakutsiz. Badakizue euskara aurrera aberria eraikitzen, euskara bazterrera aberria eraisten! Gure hizkuntza apala gaurgero apaletsia izan ez dadin. Euskararen egun on! Doakizue nire agurrik adiskidetsuena.

Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude