Kakaren autogestioa

  • Edorta Jimenezi, atera berri duen liburu batean (Jainkorik bai ala ez, Joxe Arregirekin batean erlijioaz egindako solasaldi-eztabaida), gogoeta interesgarri bat irakurri diot, inmigrazioaren harira, nola kanpotarrak geure zaharren zaintzarako erabiltzen ditugun, geuk garbitu nahi ez dugun kaka garbitzeko, azkar eta zakar esanda.
Xabier Mendiguren Elizegi
Dani Blanco
Atso-agure elbarrituen eta haien zaintzaile etorkinen adibide hori beste hainbat kasutara zabaldu genezake, geure gizarteko botere-harremanen erretratu zehatza egiten duen legea emateko: dezakeenak zikindu egiten du, ez dezakeenak bestearena garbitu.

Sexuen artean noren lana izaten da oraindik ere gehienbat garbiketa, etxe barruan? Enpresa bateko organigraman, zein da gutxien ordaintzen den lanpostua eta errazen esternalizatzen dena? Nazioartean, non egiten ditu bere proba nuklearrak Frantziak, esaterako? Nora eraman ohi ditugu Europako hondakin erradioaktiboak eta industria-hondar kutsagarrienak?

Arau orokor horren aplikazio praktikoa bizi dugu egunotan Gipuzkoan, hiri-hondakinen bilketaren istiluarekin. Erraustegiaren ideiarekin ados zeuden hasieratik alderdi nagusiak –ez denak–, harik eta kokalekuak bere udalerrian edo inguruan behar zuela jabetu zen arte zenbait alkate –Zubietan: Donostiako lurretan eta Lasartetik hurrean–. Geroztik zalapartak eta axanpak, aitzakiak eta bazter-nahasteak.

Eta orain zertan gara? Donostialdeko zaborrak Errenteriako San Markosen bildu izan dira urtetan. Orain, erdia hor eta beste erdia probintziako zenbait zabortegitan: Beasainen, Azpeitian eta Zarautzen. Egoera naturala eta berezkoa horixe dela pentsatuko du gainera hainbat lagunek, nahiz eta ozenki aitortzera ausartu ez –gustu txarrekoa da, izan ere, “nire kaka zuk garbitu behar duzu” esan beharra; gauza batzuk hobe hitzik gabe egitea–.

Erraustegia baino irtenbide garbiago eta ekologikoagoak badirela aldarrikatzen dute zenbait alderdik eta ekologistak –ez denek–. Garbiena zaborrik ez sortzea, dudarik gabe. Baina egungo gizartearen martxa ezagututa –hiritarreko eta eguneko kiloa baino gehiago, eta goraka doa kopurua–, ez dakit ba oso irtenbide errealistak diren han-hemen aipatzen zaizkigunak –paper mordoa irakurri ostean eta errespetu osoz esanda–.

Bien bitartean, gizakien nahiz herrien hartu-emanetarako balio dezakeen jokabidea proposatu genezake, hau da, ardura gaitezen nor bere zikina garbitzeaz, arazoa auzoari pasatu beharrean.

Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude