Euskera aldizkariaren azken zenbakian honako gai hauek aurki daitezke, besteak beste: Ana Mª Toledo eta Patxi Salaberri Euskaltzaindian sartzea; Joan Perez Lazarraga (1550-1605) idazlearen IV. mendeurrena; Andres Urrutiak Juan San Martin euskaltzain osoa Eibarko seme kuttun izendatu izanaz idatzitakoa; Euskaltzaindiaren barne-historiaz Xabier Kintanak eta Piarres Xarrittonek diotena; 2006. urtean akademiak izandako batzar-agiriak; Espainiako Erresumako autonomia-erkidegoen, probintzien eta probintzia-hiriburuen izenen gainean Euskaltzaindiak erabakitako arauak; Azkue bibliotekaren katalogazio erregelak; eta Hizkuntza gaitasun agiria Iparraldean: D-mailako hizkuntza gaitasun agiriaz Piarres Xarrittonek idatzia.