El canto de los grillos Edorta Jimenezek 2003. urtean Susa argitaletxearen eskutik kaleratu zuen Kilkerren hotsak nobelaren gaztelaniazko bertsioa da. Tttarttalo argitaletxeak plazaratu du eta Bego Montoriorena da itzulpena. 1936ko gerran Errepublikaren aurkako matxinoak Bizkaiaz jabetzear zeudenean bizi ziren une latzak gogorarazten ditu nobelak, Euzko Jaurlaritzaren segurtasun zerbitzuetan lan egin zuen gudari zahar baten oroitzapenen bidez. Garaiko txosten oso baliotsuak gordetzen ditu gudari horrek, besteak beste, Alejandro Mallona Mundakako alkate zenean hainbat faxistei bizia salbatu zien gizona fusilatzearen zergatiak eta heriotz horren errudunen izenak agerian uzten dituztenak.