Etorkizun urrunari buruzko distopia

  • Josetxo Orueta ::Los planes de Lidia

    Erein

    orrialdeak ::172

    prezioa ::13.50€

'Los planes de Lidia'
Pamiela argitaletxearen bidez kaleratu zuen Ortziren hortza nobela historikoarekin eman zen ezagutzera idazle gisa Josetxo Orueta. Nobela horrek gaztelaniazko bertsioa izan zuen gero, El cantar de Orreaga izenburuarekin. Aurten, Pol eta Val gazteentzako komedia argitaratu zuen Oruetak Pamielan bertan, eta geroxeago Los planes de Lidia nobela, Erein argitaletxearen eskutik. Azken honetan etorkizun urrunera garamatza egileak, zenbaitzuek jadanik indarrean ikustea irrikatzen duten globalizazio erabatekoa jaun eta jabe den garai batera: hor, Gobernu Ekumenikoaren zaintzapean bizi dira gizon-emakumeak, polizia mota ugarik bermaturiko bakean. Sexu-harremanak zikintzat jotzen dira, ugalketa klonazio bidez egin ohi da; baina bizimodua irabazteko arazo larririk ez dagoenez, eta besterik ez dagoela sinetsirik, zoriontsu ez bada konforme samar bizi da jendea, telebistatik eskaintzen zaizkion futbol partidu eta lehiaketen artean arreta jarririk. Etsai bi ditu Gobernu horrek, halere: espaziotik mehatxatzen duten alien-ak; eta gutxi izan arren oraindik zutik dirauten talde iraultzaileak. Eta gogor borrokatzen ditu Gobernuak, “perfekziozko” egoera iraul ez dezaten.
Josetxo Orueta
«Ez dut sinesten aurreikusitako etorkizunean»

Nola definitu daiteke zure hirugarren lan hau?


Los planes de Lidia-k baditu intriga elementuak eta baita ezusteko batzuk ere. Bestalde, komediatik ere badu dezente. Iñaki Aldekoarentzat parodia komiko-galaktikoa da. Nik ez dakit hala den. Nire ustez, ziurtzat eman daitekeen gauza bakarra da nobela hau ez dela gauza serioa.

Zuk nola aurreikusten duzu etorkizuna?


Garbi utzi nahi dut nik ez dudala patuan, edota aurreikusitako eta nahitaezko etorkizunean sinesten. Uste dut ezin konta ahala balizko etorkizun izan ditzakegula aurrean, eta egun bizirik gaudenok oraindik ere badugula amesten dugun geroaren alde zer edo zer egiteko aukera.

Nobelan agertzen duzunagatik ordea, ez dirudi hain baikorra zarenik...


Ez. Los planes de Lidian azaltzen dudan etorkizuna, nire gusturako behintzat, izan daitezkeen etorkizunetatik ezkorrenetakoa da: gizon-emakume guztiak aginte bakar baten menpean bizi dira, eta men egin behar diote legedi bakar bati, Jainko berbera gurtu behar dute eta hizkuntza bakarraz hitz egin. Egoera horretara ongia eta gaizkiaren artean XXI. mendean hasi zen gerra luze baten ondoren iritsi dira. Ongiak irabazi zuen, judaismoak, kristautasunak eta Islamak bat egin ondoren, eta indarrean dagoen Gobernu Ekumenikoa osatu zuten denen artean. Gobernu horri eusten dioten oinarriak hiru dira: erlijioa, eraikuntza eta telebista.

Nolakoa da Los planes de Lidiako protagonista?


Gizajo bat, egoera horretan lasai bizi dena, biziki maite duen emakumea kentzen dioten arte.

Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude