Melodia eta rocka xurgatu duen street-punka

  • Never Surrender ::Aurrerapenaren izenean

    Puzkarra / True Force

    iraupena ::34' 59''

    prezioa ::6€

'Aurrerapenaren izenean'
Ezagun da Arrasaten dagoela Euskal Herriko punk-oi! edo street-punk taldeen multzo esanguratsuena. Azken urteotako talde arrakastatsuena Des-Kontrol bada ere, Never Surrender laukotea kontzertu asko egiten ari da aspaldian, eta bigarren lana kaleratu berri du. Lehena Enboskada taldearekin batera kaleratu zuen. Honako hau, berriz, beraiek grabatu dute osorik. Aipatutako estiloaren oinarri diren lelo eta korodun punk melodikoa egiten dute, Ingalaterrako eskola gogoraraziz; eta batez ere euskaraz abesten dute –ingelesa ere ageri den arren–. Gitarrek ohikoa baino protagonismo handiagoa dute; eta Social Distortion zein bestelako talde rockeroagoen aztarnak antzeman daitezke. Hitzei dagokienez, arazoei aurre egiteko mezuak dira nagusi, hausnarketa eta ironiaz bustita.
Never Surrender
«Street-punk taldeek baino ez dutela futbolaz eta parrandaz abesten topikoa da. Hitzetan denetarik dago»

“Hamasei urte eskaseko kalekumeak bihotz errebelde bat garaje ilunean” abesten duzue. Nolakoak izan ziren hastapenak?


Harrik eta biok elkar ezagutu, eta astero Des-Kontrol ikustera joaten ginen. Kontzertu batean, mozkor-mozkor eginda agertokira abestera igo ginen, eta musikarien trasteak zapaldu genituen. Des-Kontrolekoek esan ziguten talde propioa sortzeko, eta kasu egin genien orain dela bost urte.

Disko melodikoa egin duzue…


Bai, aldatu egin gara apur bat. Lehen punk-oi! ingelesa entzuten genuen, baina aspaldian beste estilo askotara zabaldu gara eta horrek eragin digu, antza. Hala irten da.

Ezagutzen ditudan beste punk-oi! talde batzuek baino hitz kritikoagoak dituzue. Hitzek zerbait salatu behar dute? Egia al da street-punk talde gehienek mozkorraldiez eta futbolaz abesten dutela?


Hitzak axola zaizkizun gauzak esateko bideratu behar dira. Gure lehenengo kantuak topikoak ziren, baina gerora saiatu egin gara gustuko ez duguna salatzen. Ez dut uste gaur egungo taldeek futbola eta parranda baino ez dutenik kantatzen. Hori topikoa da. Talde onak daude, eta hitzetan ere denetarik dago.

Arrasate saldu nahi diguten aurrerapenaren adibide garbia da?


Bai, hiri txiki bihurtu nahi dute gainera. Arrasatek maitasun-gorroto sentimendua eragiten digu. Herria aldatzen dabiltza, eta autobideak eta Abiadura Handiko Trenak kalte handiak eragingo dizkigute.

Punteoak dituen street-punk taldea al zarete?


Bai, punteo asko dago. Harrik egiten ditu abesti gehienak, eta berari asko gustatzen zaio gitarrarekin inprobisatzea. Punteoena beste topiko bat da.

Zergatik kaleratu duzue diskoa Puzkarra eta True Forcekin batera?


Biek aholkatu ziguten diskoetxe handiago batera jotzeko eta azkenean elkarlanean egin dute. Horri esker, Puzkarrak Euskal Herrian zabalduko du diskoa; eta True Force madrildarrak Espainian eta beste herrialde batzuetan.

Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude