Hardcorea eta rock-and-rolla amorruz ezkonduta
TRIGGER TRAVIS:: THE ZOO
autoekoizpena
iraupena ::18´41´´
prezioa ::3.50€
Zer zarete bigunegiak eta mestizoegiak crust, grind eta hardcore zaleentzako, eta aldi berean gordinegiak rock-and-roll zaleendako?
Ez diogu arreta gehiegirik jartzen horri. Gehienok Mogambo aretoan eta hardcore munduan gabiltza, eta hardcore aldera egiten dugu tira. Hardcore eszenan sentitzen gara erosoen, nahiz eta multzo horren barruan talde nahiko berezia garen.
Zer dauka Trigger Travisek beste taldeek ez daukatena?
Taldekideok musika oso desberdina entzuten dugu eta azkenean guztion gustukoa den musika egitea lortu dugu. Taldeak duen onena da gauza ezberdin edo arraroak egiteko dugun askatasuna. Ez gara erritmo karratuetara mugatzen eta egitura korapilatsuak egiten ditugu. Aurretik egina dagoen zer edo zer kopiatu behar ez izateak asko laguntzen dio taldeari.
Aspaldi ez nuen entzuten halako ahots amorratuarekin abesten, Margak egin ohi duen moduan. Horrek izaera handia eman dio emaitzari, ezta?
Baietz uste dugu. Margaren ahotsak hardcore alorrean ohikoa ez den ukitua ematen dio taldeari; bere ahotsa ez da ezkutuan geratzen musikaren atzean.
Nondik dator Trigger Travis izena?
Taldeari izena jartzea sekulako tragedia izan zen; ez zegoen guztiok ados jartzeko modurik. Behin ilunpetan argitzen zen panpina puzgarri bat ikusi genuen izen horrekin; eta hori aukeratu genuen.
Diskoari The Zoo izena jarri diozue… Gizakion zoo-a irudikatu nahi?
Zoo-aren ideia gugatik hartu genuen gehienbat. Taldekide bakoitza mundu eta musika ezberdin batetik datorrelako. Kalean gauza bera ikus daiteke: mundu ezberdinetako pertsonak daude, bakoitza ahal duena egiten.
Kontzertuen erdiak atzerrian eskaini dituzue...
Maiatzean estreinatu ginen zuzenean. Euskal Herrian bost kontzertu egin ditugu. Eta udan Europatik bira egin genuen. Horren aukera izan dugu Mogambon atzerriko talde asko ezagutzeagatik.
Apirilaren 26, 27 eta 28 hauetan iraganen da Euskal Herriko bolleren topaketa, Leitza herrian. Izenak argiki dioen gisara bollerei irekitako jardunaldiak dira, baina, oro har, sexu/genero disidente oro da gomitaturik. Egitarau aberatsa eta askotarikoa ondurik, taldean... [+]
Musika klasikoa, regetoia eta rocka gustuko ditu Jakes Txapartegi pianistak (Hondarribia, Gipuzkoa, 2009). Itsua da, musika klasikoa jotzen du eta poliki-poliki jazza eta inprobisazioa ikastea gustatuko litzaioke. Etxean zuen teklatuarekin Pirritx eta Porrotxen “Maite... [+]
Giza asmakizun oro lez, onena eta txarrena egiteko gai dira. Baina, tamalez, dronea, beste ezeren gainetik, Mendebaldeko potentzia kapitalistek munduaren gehiengoa menpean jartzen jarraitzeko tresna nagusietakoa da. Zirrikitu teknologikoetatik haratago, funtsezko pieza da bizi... [+]
25 urte beteko ditu aurten Gara egunkariak. Ez da erraz izan. Teknologiak ekarritako iraultzari neurria hartuagatik ere, Espainiako auzitegietako epaileek erabakitako oztopo arbitrarioek egunean eguneko jarduna baldintzatu dute. Mirari hutsa, Iñaki Soto zuzendariaren... [+]
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]