Jose Manuel Balentziaga Balentxiren nortasunaz

  • Jexuxmari Zalakain ::Balentxi

    Txalaparta / Herria 2000 Eliza

    orrialdeak ::216

    prezioa ::16€

Pilar Iparragirre
2007ko uztailaren 29a
'Balentxi'
Behartsuenen, zokoratuenen eta zapalduenen alde borrokan tinko iraun zuen apaiz katolikoa genuen Jose Manuel Balentziaga Añon Balentxi (1935- 2006). Erromako Eliza horren buruetako askok –baita gertuen ditugunek ere– segur aski nahiago izango zuten bere apaizgoa bertan behera utzi izan balu. Zen bezala zelako makina bat debeku ezarri zizkioten, behintzat. Baina Balentxik, bizitzako beste arlo askotan bezala, zailtasunak zailtasun, horretan ere ez zuen amore eman. Horretaz, eta haren bizitzako beste esparru askotaz mintzo da Txalaparta argitaletxea eta Herria 2000 Elizaren artean plazaratutako Balentxi. Hamalaugarren apostolua izenburuko liburua. Jexuxmari Zalakainek prestatu du liburu horren mamia, baina Balentxiren lagun askok –eta etsai batzuk ere bai– parte hartu dute lanean. Lehenik eta behin, Jexux Arrizabalagak, Sabino Ormazabalek, Martin Ansok eta Txus Congilek, sustatzaile gisa. Eta beste frankok apaiz guztiz berezi haren bizitzako urratsen datuak, pasadizioak eta era guztietako gogoetak azalduz. Liburuak badu Balentxi berari hitza ematen dion tarterik ere: Herria 2000 Elizan, Egin eta Gara egunkarietan eta bestetan plazaratu zituen lanena.
Jexuxmari Zalakain
«Apostolua izan zen Balentxi, horretan ez dago dudarik»

Zer suposatu du zuretzat liburu honek?


Balentxi lagun adiskide maiteari buruz idaztea, beste edozeren gainetik, atsegin gozoa izan da. Baina betebehar bat ere bai. Izan ere, Balentxiren figura hurrengo belaunaldietan gogoratzea merezi duen horietakoa da, eta haren memoria idatziz uztea, nirea ez ezik, beste askoren zeregina ere izan da. Ze, liburu hau ez da nirea bakarrik. Balentxi ezagutu eta zerbait idazteko aukera eta gogoa izan dutenez gain, harekin zerikusia izan duten guztiena ere bada.

Zer diozu jarritako tituluaz?


Apostolua izan zen Jose Manuel Balentziaga Añon Balentxi, horretan ez dago dudarik, Jesus Nazaretekoak bere ikasle gisa aukeratutakoen espiritu berberaz jokatu baitzuen beti, libre eta ausart. Hamabi lagun hartu zituen berekin Palestinako profetak; bat ustel atera zitzaion, Judas Iskariote, saldu zuena. Haren ordez Bernabe aukeratu zuten lehen kristauek, Paulo gero. Hamairu apostolu osotara. Jorge Oteizak Arantzazuko komentuko ateburuan hamalau apostolu ezarri zituen Pietatearen inguruan. Zein ote hamalaugarrena? Liburu honen egileen arabera, zalantzarik gabe hamalaugarren apostolua Balentxi da.

Arrazoiak?


Euskal apaiz matxinoa izan zelako: behartsuen hurkoa, preso guztien anaia, Eliza ofizialaren zigorra, drogak jotakoen defendatzailea, zapaltzaileen etsaia, adinduen itsumutila, etorkinen babeslea... Euskararen maitalea ere izan zen. Balentxi beti ibili zen euskararekin lehian, ikasi nahirik setati.
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak
2018-07-17 | ARGIA
Dimititu egin du Haitiko lehen ministroak austeritate neurrien aurkako protesten ondorioz

Jack Guy Lafontant Haitiko lehen ministroak dimititu egin du Nazioarteko Diru Funtsak behartutako austeritate neurriek protesta handiak eragin ostean herrialdean. Zehazki, gasolinaren prezioa igotzen saiatu ziren joan den astean, eta honek haserre handia eragin zuen.


Hezkuntza oposaketak eta bilisa

Osakidetzako E.P.E. aren eskandalua eta gero gure Hezkuntzako eskandalu ttippia! Bukatu da neretzako hezkuntzako E.P.E.-a. Eta beste hautagai pilo bezala amorrua da sentitzen dudana. Kriston ostia txarra egia esateko. Lehenengo momentutik azkenera. Zer demontre da hau?


2018-07-17 | Uriola.eus
Atxurigorriko auzo elkarteak heldu berri diren migrantzaileak babestu ditu

Egun hauetan, atxurigorriko auzo elkarteak, azkeneko egunotan heldu diren migratzaileei beraien behar guztietan lagundu die. Horrez gain, elkarteak politikari desberdinen jarrera salatu eta "apustu politiko sendoak ematea" eskatu du.


Euskal Herri mailako estrategiari buruzko Iparraldeko ekarpena (1/2)

Borroka armatuaren desagerpenak egoera berri bat sortu du, nahi ta ez, Euskal Herriko bizitza politikoa baldintzatzen duena. Testuinguru hortan, Euskal Herri osoko estrategia bakar bat eraiki daitekea? Prozesu hortan Iparraldea bere ekarpena egiten ari da, gure lurraldeak hemengo jendartearen pentsamoldeak eraldatzeko balio duten bitartekoak asmatu baititu.


Eraso sexistei buruzko informazio guneak material ia guztia banatu du Sanferminetan

20.000 gida eta 40.000 esku gorri eman dituzte. Argibide gune hori 2015ean abiatu zen lehen aldiz, eta izan duen bilakaera ikusita, erreferentziazko toki bihurtu da.


2018-07-17 | Euskal Irratiak
Larrun 2020 proiektuaz informazio gutti eta komunikazio eskasa salatu dute

Trenbideetako langileak eta Larrun ez hunki kolektiboko kideak Saran mobilizatu dira ostiral huntan elkarrekin salatzeko Diruaren erabilpen txarra, zerbitzu publikoaren galtzeak eta Larrun 2020 proiektuaren kontra.


2018-07-17 | Hiruka .eus
Agur esan du Plentziako Esaera Zaharren Txapelketak

Iazko irailaren 30ean jokatu zen zortzigarren aldiz Plentziako Esaera Zaharren Txapelketa. Burubakoak taldea moldatu zen hoberen, Jone Uriak eta Xabi Payak botatako bertsoei zegozkien atsotitzak asmatzen. Gaur antolatzaileek jakinarazi dutenez, hori izan zen azkenengo txapelketa.


2018-07-16 | Iaki Etaio
Irueko zezenketak: momentua heltzen ari da

Zezenketak debekatzeko borroka luzea bada ere, ez dago zalantzarik sanferminetan ere gero eta protagonismo gehiago hartzen ari dela. Eztabaidan, maiz entzuten eta irakurtzen da zezenketen kontrako jarrera bultzatzen dutenak nagusiki kanpokoak direla, hori pisuzko argudioa izango balitz bezala.


2018-07-16 | Topatu.eus
Errekaleor margotzeko auzolanera deitu dute uztailaren 23tik abuztuaren 3ra

Auzolanean parte hartzen dutenek Errekaleorren gosaldu, bazkaldu eta afaltzeko aukera edukiko dute, baita auzoan lo egitekoa ere, espazio komun zein kanpin dendetan. Izena emateko auzolanaerrekaleor@riseup.net helbidera idazteko eskatu dute.


2018-07-16 | Zero Zabor
Buenos Airesek ezingo du erraustegirik eraiki, auzitegiak lege aldaketa ezabatuta

Elena Liberatori epaileak Buenos Airesko udal gobernuari debekatu dio hondakinak erre ahal izatea. Udalak joan den maiatzean ezkutuka eta eztabaida publikorik gabe bozkatu zuen zaborren errausketa baimenduko lukeen lege aldaketa eta orain auzitegiak agindu dio horrelakorik ebaztekotan eztabaida eta bozketa publikoz egin behar duela.


ASTEKARIA
Azkenak
EGILEA
Eguneraketa berriak daude