Nostalgia eta rocka bere tamainan

  • The Killministers ::Night city breakers

    Baga Biga

    iraupena ::41´00´´

    prezioa ::10.95€

'Night city breakers' diskoa
Bakioko taldeak izenagatik eta diskoaren izenburu eta azalarengatik oso makarra dirudi, baina CDa jarri orduko agerian gelditu da bihotz handiko nostalgikoak direla. Aspaldiko rocka lantzen dute, askotan distortsio gabe, ohituta ez gauden bezala, eta tarteka garageari, 60ko hamarkadari, erreparatzen diote. Zenbait kantutan hastapenetako Sex Museumen kutsua izan arren, Ingalaterrako new wave hura, The Clash, The Animals –horien bertsio bat barne– eta antzeko koordenadetan mugitzen dira. Diskoa Berako Mic estudioan grabatu dute Maikelekin, baina Jose Lastra izan da prozesu guztiaren atzean, abesti bakoitzak behar duen pultsu edo berotasuna aukeratzen. Ingelesez abesten duten arren, hitzak euskarara eta gaztelerara itzuli dituzte; eta amorrazioa eta kritika, biak, tamainan dituzte.
The Killministers
«Rock-and-rolla handia izatera bueltatzea, ghettoetatik ateratzea nahi dugu»

Izena lehenengoz entzundakoan Motörhead taldeko abeslariarekin lotu zintuztedan haren abizenaren antzekotasunagatik… Baina, zer daukazue ministroen kontra?


Ministroen kontra denetik dugu, baina hori ez da izenaren jatorria. Motörhead-eko Lemmy Kilmister-engatik jarri genuen izena, baina nahastu ginela ohartu ostean ez genuen aldatu.

Batzuentzako rockeroegiak; eta punk-rockeroentzako melodikoegiak. Horrela sentitzen al zarete, inoren eremuan?


Bai, bete-betean eman duzu. Hala sentitzen gara. Estilo asko eta bariatuak ditugu gustuko, eta badirudi ez daukagula leku finkorik rockaren eszenan. Horretan ere Motörhead modukoak gara: haiek heavyentzako rockeroak, eta rockeroentzako heavyak ei dira.

Rock-and-rollaren inguruko poseaz paso egiten duzue?


Take me home abestian hitz egiten dugu rock-and-rolla elitista eta kopuru txiki batentzat izatea nahi dutenen gainean. Rocka guretzat ezin da moda edo arauez betetako ezer izan. Guk nahiko genuke rock-and-rolla handia izatera bueltatzea, ghettoetatik ateratzea.

Abestien iraupenak ez dituzue mugatzen; garatu egiten dituzue...


Batzuetan fresko dauden bitartean grabatzea gustatzen zaigu. Bestalde, uste badugu abestiak intentsitaterik ez duela galtzen nahiz eta luzea izan, hala egiten dugu.

Euskadi Gaztea-ko lehiaketan finalista izateak lagundu dizue?


Ez dut uste oso garrantzitsua izan denik. Gure egorako bultzadatxo bat, behar bada...

Gustura gelditu zarete emaitzarekin?


Oso sinple egin dugu: oinarria guztiok batera jo eta gero, ahotsak, punteoak eta organoa gehitu, nahastu apur eta listo. Gustura gaude.


Ingelesez abesten duzuen arren, kritika gogorrak sartu dituzue hitzetan: tratu txarren kontra....
Bai, ingelesez abestu arren ez genuen nahi bakarrik I love you esan. Horrek ez gaitu mugatu hitzak idazterako orduan, nahiz eta jende askok hori pentsatu.

Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude