Xabier Zabaltzak Noticias de Gipuzkoan esanak: "Hemen, normalean, beti kezkatzen gaitu jakiteak euskaraz zenbatek zekiten. Baina ez dugu lanik hartzen aztertzeko zenbatek zekiten erdaraz. Oso galdera funtsezkoa da hori. (...) Bizkaieraren eta nafarreraren arteko aldea handiagoa da katalana eta gaztelaniaren artekoa baino. Baina Euskal Herrian nazio kontzientzia edo gizarte kontzientzia bat dagoenez, euskarari hizkuntza bakarra deritzogu".
Pako Aristik Berrian esanak: "Iruditzen zait euskarari jartzen diogun arretak estali egiten dituela liburuaren beste dohain batzuk, dohain literarioagoak, nahi baduzue. Hemen, badirudi idazle izateko filologo ere izan behar duzula, euskaltzain oso, birgeria sintaktikoetan maisu eta, ahal bada, Iparraldeko hiztegiaren jabe. (...) Oraindik egin gabe legokeen fetotzat daukagu euskara, eta hizkuntzaz hainbeste kezkatzeak oso estilo antiliterarioa sortzen du sarritan".