PSOEko zuzendaritzak Nafarroako lehendakaritzarako PSNren hautagaia ez zela primarietan hautatuko erabaki zuen ekainean. Une honetan Jose Blanco PSOEko antolaketa arduradunaren eta Carlos Chivite PSNko idazkari nagusiaren negoziazioaren menpe dago gaia. Seguruenik irailerako izango da emaitzarik, baina Blanco-Chivite bileraren atarian, PSNko alkate talde zabal batek PSNren Lurralde Batzordearen ezohiko bilera eskatu du, honek gaia aztertu eta Ferrazi primariak bertan behera uzten zituen dekretua balio gabetu dezan eskatzeko. Zurrumurruek indar handiz diote PSOEk ez duela Chivite nahi eta nola hala hautagai izan ez dadin lortuko duela.