Antxoak kazolan
OSAGAIAK:
Kilo bat antxoa fresko
3 tipula, zerrenda mehetan zatituak
3 piper berde, zerrenda mehetan zatituak
8 koilarakada oliba olio birjina
2 koilarakada sagardo-ozpin
Gatza
Sutan jarri eta kazolan ipiniko ditugu tipula eta piperra, gatza eta olio pittin batekin. Potxatzen utziko dugu ondoren guztia, su ezti-eztitan, barazkiak xamur karamelatzen hasi direla sumatu arte. Ordubete inguru edukiko dugu horrela. Xukatu egingo ditugu barazkiak. Ongi garbituko ditugu antxoak, burua, tripak eta erdiko hezurra kendurik. Isatsetik loturik utziko ditugu bi xerrak. Arrain saltzaileak egin dezake lan hau, bihotz onekoa baldin bada. Gatza emango diegu antxoei. Barazkiak potxatu ditugun kazola berean, haien parte bat ipiniko dugu hondoan eta antxoa geruza bat zabalduko dugu gero haren gainean, kazolaren zabalera guztia hartuz. Horrela jokatuko dugu ondoren, gainekoa barazki-geruza dugula. Ozpina erantsi eta, kazola estalita, 5 minutuan edukiko dugu guztia berotzen, su ezti-eztitan. Sutatik atera eta 2 minutuan edukiko dugu guztia pausatzen, estalita betiere. Berehala zerbitzatuko ditugu antxoak. Perrexil xehatua hautseztatu ahal izango dugu, nahi izanez gero, gainetik.
Kilo bat antxoa fresko
3 tipula, zerrenda mehetan zatituak
3 piper berde, zerrenda mehetan zatituak
8 koilarakada oliba olio birjina
2 koilarakada sagardo-ozpin
Gatza
Sutan jarri eta kazolan ipiniko ditugu tipula eta piperra, gatza eta olio pittin batekin. Potxatzen utziko dugu ondoren guztia, su ezti-eztitan, barazkiak xamur karamelatzen hasi direla sumatu arte. Ordubete inguru edukiko dugu horrela. Xukatu egingo ditugu barazkiak. Ongi garbituko ditugu antxoak, burua, tripak eta erdiko hezurra kendurik. Isatsetik loturik utziko ditugu bi xerrak. Arrain saltzaileak egin dezake lan hau, bihotz onekoa baldin bada. Gatza emango diegu antxoei. Barazkiak potxatu ditugun kazola berean, haien parte bat ipiniko dugu hondoan eta antxoa geruza bat zabalduko dugu gero haren gainean, kazolaren zabalera guztia hartuz. Horrela jokatuko dugu ondoren, gainekoa barazki-geruza dugula. Ozpina erantsi eta, kazola estalita, 5 minutuan edukiko dugu guztia berotzen, su ezti-eztitan. Sutatik atera eta 2 minutuan edukiko dugu guztia pausatzen, estalita betiere. Berehala zerbitzatuko ditugu antxoak. Perrexil xehatua hautseztatu ahal izango dugu, nahi izanez gero, gainetik.
Hestekiaren gustua duten lekaleak, hestekirik gabe
Hobekiago elikatzeko, lekaleak saldatsu jaten ohitu behar dugu. Horrela eginda, bi txori joko ditugu harri bakar batez. Alde batetik, errendimendu hobea aterako diogu kazolari, jakia oparoagoa izango da, lekaleak ohi baino salda gehiago izango duelako. Eta bestetik, salda beroa, barazki eta lekaleen ondoan, goxoago sartuko zaigu eta berriro hartu ahal izango dugu jakia, errepikatuz, arinagoa egongo delako, gisa honetako jakien ondoan ohi diren hestekien arrastorik izango ez duelako. Egia esan, hobe da lekaleak barazkiekin bakarrik prestatzea, digeritzen zailak eta pisuak diren koipeekin ez nahasteko. Hestekiak nahi izanez gero, aparte egosi eta jan.
Nola eman lekaleari hestekiaren gustua, hestekirik erantsi gabe? Piperrautsak konponduko du arazoa. Txorizoen eta hesteki koipetsuen gaia delarik, edozein lekale lurrinduko du, txorizo eta hesteki hoberenen zaporea utzirik, baina koiperik gabe. Ez du gure urdailak koipearen pisu astuna jasan beharko! Betiko lekale hoberenen zaporea, baina koipe astunik gabe.
Kazola sutatik atera baino lehentxeago, baratxuri-olio berezi bat erantsiko diegu lekaleei, honako gai hauekin: olioa, baratxuriak, edo tipulina, piper berde edo porru pikatua. Sueztituko ditugu gai horiek guztiak eta sutatik atera orduko erantsiko diegu piperrautsa, gozoa edo mina, gustuen arabera. Eltzekarian ongi nahasi eta mahaira!
Nola eman lekaleari hestekiaren gustua, hestekirik erantsi gabe? Piperrautsak konponduko du arazoa. Txorizoen eta hesteki koipetsuen gaia delarik, edozein lekale lurrinduko du, txorizo eta hesteki hoberenen zaporea utzirik, baina koiperik gabe. Ez du gure urdailak koipearen pisu astuna jasan beharko! Betiko lekale hoberenen zaporea, baina koipe astunik gabe.
Kazola sutatik atera baino lehentxeago, baratxuri-olio berezi bat erantsiko diegu lekaleei, honako gai hauekin: olioa, baratxuriak, edo tipulina, piper berde edo porru pikatua. Sueztituko ditugu gai horiek guztiak eta sutatik atera orduko erantsiko diegu piperrautsa, gozoa edo mina, gustuen arabera. Eltzekarian ongi nahasi eta mahaira!