Jon Urrutia pianista gorliztarrak Home made diskoa plazaratu du Errabal Jazz zigiluaren eskutik. Etxean bertan grabatu dituen bederatzi pieza erritmiko eta latinoek osatzen dute diskoa.

Petit Théâtre de Pain taldeak Slawomir Mroz idazle poloniarraren Le pic du bossu estreinatu berri du Izpurako Faustin Bentaberry gelan.

Jexux Artze taldeak Usurbilgo Udalarekin hitzarmena sinatuko du iaz Artzeren omenez antolatutako Ez dok amairu erakusketako ondareak Udalari emateko eta horren truke ondareak zaindu eta beste herrietara zabalduko du Udalak.

Federico Luppi Gipuzkoan da egunotan Pasos filma errodatzen. Lehen aldia da Luppik film bat zuzentzen duela. Pelikularen gidoia haren emazte Susana Hornos errioxarrak idatzi du.

Frida Kahlo hil zela 50 urte bete dira aurten. Uztailaren 28tik urriaren 17ra bere alderdi ezezaguna biltzen duen erakusketa izango da Bilboko Arte Ederretako Museoan.