Bahea
2021eko uztailaren 19a
Espainiako Auzitegi Nazionaleko Penal arloko hirugarren aretoko epaileen ustez, Baltasar Garzon epaileak eraman duen 18/98 sumario ospetsuaren epaiketa azaroan hasiko da. Auzi hau duela bost urte baino gehiago hasi zen eta bertan 68 pertsona epaituko dira. Egin auzia, Ekin, Ardi Beltza, Haika, Xaki, AABak, Joxemi Zumalabe Fundazioa eta beste hainbat talde eta enpresa dira auziaren baitan.
Zalaparta handia sortu du John Kerriy senatari estatubatuarrak euskaldunak terroristekin identifikatzeak eta zuzenketak ere eskatu zaizkio zenbait gunetatik. Dena den, Ana Palacio Espainiako atzerri ministroak hari berdinetik tiraka jarraitu du, Ameriketako Estatu Batuetako bisitaldian jakinarazi duenez, «euskal herritarren arazoa, askatasun arazo bat besterik ez da, herritarren erdia beste erdiaren terrorearen mehatxupean bizi delako».