Kalkulatu ezin den balorea du Gasteizko Sancho El Sabio Fundazioak biltzen duen funtsak. 40 urte darama dokumentazio lan horretan eta hain zuzen, egindako lana eta bildutako materialaren erakusgarri Vital Kutxa Fundazioak erakusketa zabaldu du martxoaren 7a arte. Mundu guztiko ikerlariek baliatu izan dituzte Fundazioaren dokumentu historikoak. Erakusketan, besteak beste, fanzineak, pegatinak, kartelak, argitalpen erligiosoak, aldizkariak... ikus daitezke. Lazkaoko Beneditarren liburutegiak ere badu ikerlarientzat makina bat altxor. Izan ere, iaz 30 urte bete zituen liburutegiak legez kanpo jardun ziren taldeen aldizkari, egunkari, panfleto eta esku-paper ugari biltzen ditu.

Ezinezkoa filmatzen. Natura eta abenturari buruzko dokumentalak da martxoaren 3tik 6ra Nafarroako Unibertsitate Publikoan Javier Ortegak eskainiko duen Zinema dokumentalaren II. Mintegiaren izenburua. Ortegak Al filo de lo imposible telesailean egin du lan gidoilari gisa. Dokumentalaren historia, telebistan egun duen lekua, eta hauen sortze prozesua eta errentagarritasuna jorratuko ditu hitzaldien bidez.

Talde amateur eta semiprofesionalek eginiko antzezlanak ikusi ahal izango dira Bilbon maiatza bitartean. Izan ere, hirugarrengoz egingo da aurten Zirkuitoa ekimena. Talde horiei antzoki ibilbide batean parte hartzeko aukera eskaintzea da xedea. Baita antzerki fresko eta modernoa bilbotarren auzoetara gerturatzea ere. Zirkuitoa Udaleko Kultura Sailak antolatzen du eta honen arrakasta handitzen doa urtez urte. Aurten egitaraua bi zatitan banatu dute: lehenengoan Otxarkoagan, Errekalden, San Frantziskon eta Begoña-Santutxun eskainiko dituzte lanak 9 taldek. Apirilean hasiko den bigarrenean Basurto-Zorrotza, Deustua, Uribarri eta Barainkuara zabalduko da. Parte hartuko duten taldeek, hala ere, erakundeei laguntza handiagoa eskatu diete.

Udaberirako martxan izango ei da Euskal Herriko diskoetxeen elkarte berria. Diskoetxe handiek eta zenbait txikik dituzten arazoak direla-eta elkartzea erabaki dute. Angel Valdes Elkar-eko arduradunak dioenez, sektorearen %90 batua egongo da horrela. Elkartearen helburu nagusiak diskoen gaineko BEZa jaistea, hainbat proiekturentzat laguntzak eskuratzea eta egileekiko errespetua sustatzea izango dira.

Artista ezagunak eta ez hain ezagunak izango dira Madrilen otsailaren 12tik 16ra burutuko den Arco azokan. Eduardo Txillida, Dora Salazar edota Andres Nagelekin batera Raul Urrutikoetxea eta Andoni Euba ere izango dira, besteak beste. Aurten 9 galeria joango dira Euskal Herritik. Gainera, lehenengoz, arte publikoari eskainitako Madrid Abierto ekimena egingo da. Azken honetan ere euskal ordezkaritza egongo da.

Hamar urte darama Arabako Lurralde Historikoaren Agiritegiak argazkigintzaren aldeko apustua egiten. Urte horietan guztietan makina bat erakusketa eta argitalpen plazaratu ditu. Autore klasikoak »Man Ray, Cartier Bresson, Sigfrido Coch edota Alberto Schommer», Euskal Herritik kanpoko egileak »Patricia Allende eta Antonio Bueno, besteak beste» eta batez ere, gure argazkilariek »Gorka Salmeron, Aitor Ortiz, Javier Berasaluze, Pilar Albajar edota Josean Olazagoitia bezalakoek» izan dute bertan lekua. Orain artean eginiko lanarekin jarraitu nahi du Agiritegiak, eta horretarako hemendik aurrera Ignacio Aldekoa Kultur Etxean izango du erakusketa aretoa.

Hori diote behintzat hainbat zinegile ezagunek. Hain zuzen ere, izen hori jarriko diote »Badago arrazoirik» egingo duten film dokumentalari. Film horretan egungo Espainiako gobernuari eta etorriko denari zer «ez zaien gustatzen» erakutsi nahi diote. Gehienez 90 minutu iraungo ditu eta telebista guztiei eskainiko diote doan, martxoko hauteskundeak baino lehen eman dezaten. Proiektu honetan daude, besteak beste, Vicente Aranda, Imanol Uribe, Montxo Armendariz, David Trueba, Julio Medem, Gracia Querejeta, Isabel Coixet, Manuel Gutiérrez Aragón eta Iciar Bollaín.

Hiru liburu plazaratu ditu Jakinek Jakin irakurgaiak sailean. Hausnarketarako lanak dira hirurak, formatu txiki eta irakurgarrian. Platonen Sinposioa Jesus Mari Arrojeriak itzuli du. Jean Domaten Legeen tratatua euskaratu du Andres Urrutiak. Eta Xabier Eizagirrek eta Juan Bautista Bengoetxeak itzuli dituzte Paul Feyerabenden, Karl Popperren eta Thomas S. Kuhnen testuak Dogmak zientzian? liburua osatzeko.

Dantza eta trikitixa doinuak ikuskizun huts bilakatzen ari direla-eta Zeraingo herriak eta Euskal Herriko Trikitixa Elkarteak erromeriak sustatzeko ekimena jarri duteabian. Aurten bederatzi erromeria egingo dituzte. Ospakizunetan dantzak izan duen garrantzia berreskuratu nahi dute honela.



































































natzeko, hamar urte hauetan egin dituzten argazki erakusketen kartel esanguratsuenak bildu dituzte. Bertan dira otsailaren 29a arte.