Espainiako armadak eskertu egin dio euskal gizarteari azken maniobra militar entzutetsuetan erakutsi dion maitasuna. Zalaparta handia eragin dute maniobrok eta ez da soziologian aditua izan behar maniobrek, oro har, eta ohi bezala, oso harrera txarra izan dutela gizartean, Iruñean ezik, han espainiar militarrekiko jarrera bestelakoa baita. Maniobra hauek Alfageme ezizeneko kapitainak gidatu omen ditu Bilboko Gobernu Militarretik. PP eta PSE-EEtik ezik, alderdi eta agintariek bizi den egoera bereziarekin lotu dute eta mehatxutzat hartu.