Lorenzo Llona Olalde Mexikon preso dagoen euskal herritarraren estradizio agindua baimendu du Ranulfo Castillo epaile mexikarrak. Llona iragan apirilaren 26tik dago preso eta gaur egun gose greban. 1981eko atentatu batean parte hartzea leporatzen dio Auzitegi Nazionalak, baina bere abokatuaren esanetan, Llona garai hartan Mexikon zegoen eta horren frogak dituzte, besteak beste, garai hartako Mexikoko dokumentu batzuk bere hatz-marka eta guzti. Orain, Mexikoko Atzerri Harremanetarako Idazkaritzak erabaki beharko du estradizioa eman ala ez.