1270 urteaz geroztik, Artikutzako lurrak Orreagako monasterioaren administraziopean egon ziren. Historiako pasarte haren erakusgarri dira Orreagako ikurra grabaturik duten mugarri zaharrak, ibilbidean zehar etxaldearen mugetako zati batzuetan ikusi ahal izan ditugunak. Denboran aurrerago, jabe ezberdinen eskuetatik pasa ziren mendi hauek, eta haien neurrigabeko esplotazioak -batez ere basoen ustiapenak- bertako oreka ekologikoa hautsi zuen. 1919an Donostiako udalak lursaila erosi zien Ancillonako markesaren ondorengoei, bertako uraz hiria hornitzeko helburuarekin. Horretarako Enubietako urtegia eraiki zen hainbat urte geroago. Bestalde, politika kontserbazionista baten bidez, paisaje berreskuratu pribilejiatua lortu da, pago eta haritzezko baso autoktonoa birlandatuz. Artzaintza, gainera, galerazia dago Artikutzako lurretan, baita ehiza ere noski, eta ibilgailu motordunek ere ezin dute finkan sartu, baimen bereziarekin ez bada.