Zorizko jokoak ez dira atzokoak, jokoaren izatea dirua erabiltzen hasi zen aurretikoa baita; Kristo aurreko 2000. urtean jokatzen zen jada: antzinako zibilizazioek, egipziarrek, greziarrek, erromatarrek... Giza historiaren zorigaitz zaharrena da jokoa. Aristoteles filosofoak eta Dostoiesvki literaturegileak landu zuten gaia. 1975. urtera arte ez zen eritasun gisara tratatua izan, ordea. 1980an, AEBko Psikiatria Elkarteak Buruko Gaitza gisa diagnostikatu eta arautu zuen. Osasunerako Mundu Erakundeak (OME) ontzat jotzen du bere diagnosia. 1996an, Espainiako Estatuan, 1,3 biloi pezeta (7.813.157.356 euro) gastatu ziren bingoan eta loterian, eta biloi bat pezeta (6.010.121.043 euro) txanponjaleetan. Estatu honetan 200.000 txanpon-makina daude eta 380.000 pertsonek jokoaren adikzioak eta gaitzak jota