Armagintzaren historia aztertzeaz gain, armagile familia bateko semea da Ramiro Larrañaga eta bera ere armagintzan jarduna da. Sektore honetako terminologia ederki ezagutzen du, beraz, eta ia 200 terminoko hiztegitxo bat jasoa dauka, Koldo Mitxelenak berak hala eskatu baitzion behin. Hiztegi horietako adibide batzuk jaso ditugu ondorengo lerroetan:

Aboziñaua: Inbutu formako ahoa duen armaren kainoia.
Agokatu: Lotu.
Aizkaia: Lantza
Alkautza: Arkabuza.
Arpikua: Zizela.
Barautza: Broka.
Biribildu: Tornuan landu.
Buztana: Eskopeta kulatarekin lotzen duen apendizea.
Drunda: Arkabuz metxa.
Epaikixa: Eskuzko zerra.
Firifaria: Zulatzeko, torneatzeko... erabiltzen zen tornu burua.
Gabia: Forjatze mailua.
Gurizabala: Txaparentzako hotzeko zizela.
Irundu: Laminatu.
Izkillu: Arma.
Junguria (edo unguria): Ingudea.
Karraka: Lima.
Kaxagiña: Kulatagilea.
Koskorduna: Pistolet motako kulata.
Kuliandia: Kulata.
Lerrautsa: Bolbora.
Maratillia: Bihurkia, destornilladorea.
Marruza: Eskuila.
Oboa: Uztaia.
Suatzak: Alikateak.
Suberatu: Berriro egosi, tenplaketa kendu.
Txakurra: Kolpekari edo perkutorea.
Txantxilloioa: Konprobatzailea, neurtzeko oinarria.
Txirrikia: Garabia.
Ugartu: Herdoildu.
Urebagia: Tresna templatzean agertutako pitzadura.
Zilla: Ardatza.
Zizpoleta: Pistola.
Zuntxau: Bi pieza beroan itsastea