Pasa den astean NBEk argitaratutako txosten baten arabera, mundu osoan 40 milioi biztanle daude hiesak jota eta horietatik 730.000ak bakarrik jasotzen du terapia. Pandemia honen ondorioz 2000 eta 2020 bitartean 45 lurralde kaltetuenetan 68 milioi pertsona hilko dira. Kaltetuenak txiroenak dira: Sahara hegoko Afrika, Asiako hego-ekialdea, Latinoamerika eta Karibea. Zergatik? Arazo nagusia gaitzari aurre egiteko egiten diren inbertsio eta finantzaketa politika eskasean datza. Eta testuinguru honetan ezin ditzakegu ahaztu multinazional farmazeutikoak, gizakiaren osasunaren alde baino euren irabazien alde baitihardute lanean. Gainera, garatuen eta garapen bidean dauden lurraldeen arteko ezberdintasunak txikitzeko, finantzaketa urtean %50 igo beharko litzateke gutxienez. Haatik, gu bizi garen gizarte hau erabat kapitalista da. Nahi izanez gero, hiesaren arazoa konponduta legoke dagoeneko. Baina hori ez da multinazional farmazeutikoei interesatzen zaiena, azkarragoak eta errentagarriagoak diren bestelako negozioak bilatzen baitituzte. Elkartasun planetarioa gailenduko den gizarte berri bat sortzeko konpromisoa beharrezkoa da