Martxoaren 20an Estatu Batuek herrialde desberdinengan altzairu inportazioengatik jarritako muga zerga martxan jarri zuten; herrialde horien artean Euskal Herria dago, bertako siderurgia esportatzailea izaki. Muga zerga horrekin administrazio amerikarrak bere industria siderurgikoa babestu nahi du altzairuaren merkatuan dagoen atzerriko enpresen lehiaren aurrean. Lehenago ere honela jokatu zuten Hego Koreako siderurgiarekin, hartutako neurri hauek Japonia, Australia, Zelanda Berria eta EBn izango dute oihartzun gehien oraingoan. Aipatutako Ipar Ameriketako merkataritza praktikak Munduko Merkataritzaren Erakundeak berak, MMEk, salatu ditu, baita Europako hainbat erakundek ere. Ikasgai bat: munduaren jendarme eta jabeak, Ipar Amerikak Bushekin, munduko kapitalismo adibiderik garbienak, bere lege propioak bortxatzen ditu, MMErenak, Ipar Amerikako protekzionismoa mugatzen dituzten nazioarteko merkataritzaren oinarrizko legeak direnak, beraien esanetan. Baina horrelakoa da kapitalismoa. Ekonomikoki interesatzen zaionean bakarrik errespetatzen ditu nazioarteko legeak. Eta interesatzen ez bazaizkio, beraiek, lehia askearen defendatzaile eta kapitalistak omen direnek, ez daukate inongo eragozpenik kutsu interbentzionista duten neurriak ezartzeko l