Fagor eta MCC taldeko langileak, Arrasate eta Euskal Herri osoa, hunkituta geratu ziren, enpresa kooperatiboko lau kide hil zirela jakin eta gero. Iranen erori zen hegazkinean, beste 113 personekin zihoazen. Fagorreko langileak automobilentzako prensen hiru lerro promozionatzera
zihoazen enpresa irandar batekin. Fagor Arrasatek bere produkzioaren hiru laurdenak esportaziora bideratzen ditu, eta bere eginbehar garrantzitsuetako bat beste herrialde batzuetan proiektuak garatzearena da. Fagor eta MCC taldea bezala, asko dira esportaziorako lan egiten duten euskal enpresak. Horrexegatik, euskaldun asko bidaiatzera behartuak daude. Fagorreko langileak lan horretan hil ziren. Egun berean Altsasun hil zen beste langile baten antzera, bezperan Sestaon hildakoaren moduan eta Bermeon egun batzuk lehenago hildakoa bezala. Iaz Hego Euskal Herrian lan istripuengatik hil ziren 121 pertsonak bezala. Lanak lotzen zituen Iranen hildako Fagorreko langileak eta Euskal Herrian lan istripuengatik hildako guztiak. Heriotza ekarri zien lanak.
Gure elkartasuna familiei eta lankideei. Hobe azkeneko hildakoak balira!