Posible ote da Donostian gerra garaian oso ezaguna zen pertsona bat, alegia, «El Día» egunkarian kronika politikoa egiten zuena -euskaraz-, San Lorentzo kalean jostundegi bat zeukana, inork ez jakitea nor izan zen? Kronika mordoa utzi zuen. «La Constancia» aldizkarikoekin -integristak- izugarrizko eztabaidak izan zituen. «La Constancia»ri esker dakigu jostuna zela, integristek salatzen baitute berean. «Atarrene» EAJkoa zen, «El Dia»n egurra ematen zien espainol integristei. Berak idatzia du «Nere dendatxo txiki maitea / dutela dena lapurtu...». Halako pertsona inportantea 1935-36an, halako kantak egin zituena, eta ez dakigu nor den! Hor badago deskubritzeko beste atal bat, «Atarrene» nor zen aztertzea. Ea zaharrek gogoan ote daukaten aztertzea, alegia. Maria Dolores Agirre idazleak ezagutuko zuen, baina hila da