Udako oporraldiaren ostean, heldu da euskal langile gehienentzat lanera bueltatzeko garaia. Ondo legoke gizarte eta enpresa agente guztiei gogoraraztea, beharrezkoa dela bai enpresa bakoitzeko lan baldintzak hobetzen joatea, bai laneko prebentzio eta segurtasun neurriak areagotzea, lan istripu eta gaixotasun berriak saihesteko. Urtearen lehen hiruhilekoan 70 langile hil ziren Hego Euskal Herriko enpresetan. Alegia, hiru egunetik behin euskal langile bat hiltzen da lanean. Baja eragiten duten lan-istripuen kopuruak %6,64 egin zuen gora lehen seihilekoan, 39.029 langileri eraginez. Hala, baja eragiten duten 213 istripu gertatzen dira egunero. Abuztuan, opor garai ofizialean, bost langile hil ziren gutxienez lanean Hego Euskal Herrian. Prekarietatea, lan ezegonkortasuna, esperientzia falta, prebentzio neurri eza, enpresaren eta sindikatuen prebentzioaren kontrol eza eta Lan ikuskaritzaren hutsunea dira, besteak beste, gaitz honen arrazoiak. Guztiei -enpresei, administrazioei, sindikatuei eta langileei- dagokie hau desagertzeko erantzukizuna