Espainiako Gobernuak, CEOEk eta CCOOek pentsioen alderdi batzuen inguruan lortutako akordioak boterearen ingurumarietan, banku zein instituzio publiko eta pribatuetan, baita europarretan ere, alarma piztu du. Gainontzeko sindikatuek, espainiar zein abertzaleek, akordioa kritikatu dute. Akordio horrek aurrerapen txiki eta mugatuak ekar baditzake ere, boterearen ingurumenak ez daude ados beren interesen aurkako norabidean doalako. Beren errezetak aurreratu dituzte jada: erretiroa ez aurreratzea eta jubilatzeko beharrezko adina 65tik gorakoa izatea. Beraien aburuz, epe ertainera begira pentsioen sistema publikoa mantendu ezingo denez, pentsio plan pribatuak defendatzen dituzte, bankuak gestionatuak alegia. Baina oraindik gehiago dago. Zera aldarrikatzen dute: lan malgutasun eta langileen mugikortasun handiagoa; hitzarmen probintzial eta autonomikoen ezabatzea, negoziazio kolektiboa enpresa bakoitzera zokoratuz... Jada, ia ezkutuan negoziatzen ari den lan erreforma da hori. Langile eta sindikatuek kontuan hartu behar lukete irmo erantzuteko. Berandu baino lehen