Espainiako Estatuan aurretik jakin ezin diren ondorioak izango dituen giza arazo eta arazo politiko baten sorrera ikusten ari gara. Atzerritarren Legea indarrean jartzearekin batera, milaka etorkin manifestazioak eta gose grebak egiten ari dira, hemendik aurrera "paperik gabekoak" ilegalak izango baitira. 130.000 etorkin inguru daude Espainiako Estatuan. Jan ahal izateko euren lurraldean guztia utzi zuen jendea. Eta haiei esker, bertakoek nahi ez dituzten milaka lanpostu betetzen dira baldintza prekarioetan. Eta hala ere, ez dituzte "paperak"behar bezala. Gogoratu beharra dago etorkinak ez direla arazoaren kausa, arazoaren biktimak baizik. Arazoa herrialde aberatsek, geroz eta aberatsagoek, herrialde pobreei ezarritako nazioarteko harreman bidegabeak dira, planetako populazioaren %20a %80a baino gehiagoren aberastasunaren jabe gara. Arazoaren kausak FMI, Munduko Bankua, OMC... dira. Kapital espekulatiboak eta merkantziek planetan zehar libreki zirkulatu dezaketen bitartean, pertsonek ez dute gauzek duten eskubiderik. Horrelakoa da kapitalismoa