Euskal Herrian langabeziak emakumezkoaren aurpegia du. Langabezian daudenen gehiengoa emakumezkoa da. Ekainean Hego Euskal Herrian zeuden 90.282 langabetuetatik, 57.406 emakumeak ziren. Maiatzean baino 227 gehiago. Horrek esan nahi du langabetuen %63,58 emakumea dela. Datuok oso larriak dira.Gizon eta emakumearen arteko berdintasuna batak zein besteak aukera berak (hezkuntzan, lan arloan...) dauzkatenean soilik lortuko da. Begibistakoa da egoera hori ez dela oraino iritsi, eta kostako da diskriminazio hori eteteko bitartekoak (Administrazioak, patronalak, sindikatuek eta langileek dute erantzukizuna) jartzen ez badira. Behin-behinekotasuna eta prekarietatea dira emakume langilearen etsai handienak, honi gizonari baino are gehiago eragiten baitiote. Emakumeak, sarritan, ezin ditu bere bizitza pertsonal eta sozialean funtsezkoak diren erabakiak hartu, ez libre ez independente baita. Eta ez da izango oinarri ekonomiko bat izan ezean. Eta hori soilik enplegu duin eta iraunkor batekin lortzen da