Eusko Jaurlaritza publizitate kanpaina bat burutzen ari da aparteko orduak ezabatuak izan daitezen. Lan Sailaren arabera, EAEko soldatapeko biztanleen %10-15ak aparteko orduak egiten ditu eta %75ak 45 lanordutik gora astean. Bizkitartean, enpresa bat bera ere ez zaie atxiki arazo horri aurre egiteko dauden laguntza publikoei. Bestalde, urteko 80 aparteko ordu onartzen dituen muga legala dago, nahiz eta kasu gehienetan gainditu egiten den. Eta Administrazioak badaki. Ondo dago publizitatera jotzea; baina funtsezkoa da, halaber, langileek, enpresa batzordeek eta sindikatuek lankideak kontzientziatzea, langabezian dauden milaka langileekin solidarioak izan daitezen. Baita langileak babestea, aparteko orduak egitearen aurka agertzen direnek enpresen aldetik jasaten duten ezarpen eta mehatxuen aurrean. Alabaina, badira Administrazioak berak Lan Ikuskaritzen bitartez har ditzaken beste neurri batzuk. Ezarritako muga legala gainditzen duten edo aparteko orduak egitera behartzen duten enpresak kontrolatu eta zigortzea, esaterako