«Mikroa itxi barik utzi izan dut»
2021eko uztailaren 19a
Kazetaritza amaitu eta berahala hasi zen bermeotarra irratian. Hiru urteren buruan, informatiboetan dihardu, baita zapatuetako «Jirabira» saioan ere.
«Gurea irrati txikia izanik, denok apur bat denetik egin behar izaten dugu»
. Tarteka bere herriko «Akatz» aldizkarian kolaboratu ohi du. Entzuleekin ezartzen den harreman hori egiten zaio zailena eta politena aldi berean,
«alde batetik, errespetua ematen dizulako zuzenean aritzeak; bestetik, hartu eman horrek xarma berezia sortzen duelako»
. Mikro aurrean naturaltasuna ere ikasi egiten delakoan dago Unai
«asko landu dezakezu, ni berez nahiko lotsatia bainaiz»
. Noiz edo noiz gertatu izan zaio
«mikroa itxi barik uztea musika ipintzeko, hemen auto kontrola egiten baitugu. Eskerrak abesten ari nintzen eta ez juramenduka»