Parker Lewisek ez du sekula galtzen» telesail haren izpiritutik edaten du «KTM»k. Gazteen mundua islatu erritmo biziko hari narratiboa jarraiki, tarte luzeena ez da 6 minututik pasatzen.

estaen die jendeak, betiko moldetik ateratzen baita, irudiaren tratamenduan, argiztaketan (gorri eta urdinarekin jokatuz), nahiz mamian; egin kontu: eztabaidak, kale inkestak, zinea, Internet, musika, maitasun arazoen txokoa, apain egoteko trikimailuak, eta abar. Potentzial handiko formatoa da, erreferentzitzat har litekeena, ETBn gazte saioen hutsunerik luzaroan (8 urte) egon izan ez balitz. Eta orain ohitura falta hori nabari da, bereziki gazteen parte hartzeari dagokionez. Hain zuzen, irratira aise hots egiten duten gisan, telebistara nekezago. Horren haritik, lanak izaten dituzte «Txuri beltz» solasaldian parte hartuko duten gazteak institutu eta ikastoletan atzemateko. Saiora joatekoak diren gazteak euskaraz ongi mintzatu behar dutenez, gazteen %70 Gipuzkoatik etortzen da, Bizkaitik berriz, ia %30. Nafar eta arabarrak ostera, oso gutxi. Aurretik telefonoz elkarrizketatzen dituzte, eta horrekin aurkezleak egingo dizkien galderak osatu.
RGU ekoiztetxeak 1.000 saiotik gorako eskarmentua du, hala nola, «Tele txip», «Galaktika» edota 120.000 bazkide lortu zituen «Superbat» saioa. Nerabezaroan hain ohikoa den «artalde» giro inozotik aldentzen saiatzen dira. Saioko 7 erredaktorek bazterrak harrotzen dituzte zer kontatua duten gazte ezezagunak aurkitzeko; okupak, abenturazaleak, musikariak...

diosku Juan Luis Goitiandia «KTM»ko zuzendariak. Halaxe, 300 inkesta inguru egin dituzte, gazteek «KTM»ko zati ezberdinen balorazioa egin dezaten. Gisa horretan jakin ahal izan dute zerk funtzionatzen duen eta zerk ez. Esaterako, psikologoaren kontsultak oso harrera ona du: gazteek beren kezkak azaleratzen dizkiote psikologoari eta gaztetxoei profil psikologikoa egiten zaie.