«Ezustea hartu dut kirolariekin berban»
1999ko abenduaren 19a
Telefonoz hasi zen kirol kronika egiten. Egun, 18:30etatik aurrera kirol saioa egiten du; larunbatetan berriz 12:30etan. Gehienbat pilota eta futbola jorratzen ditu eibartarrak. Asier gehien harritu duena kirolarien harrera ona izan da elkarrizketak egiterakoan,
«mesede bat eskatzea izango zela uste nuen, baina juxtu kontrakoa da; hartu-eman politak sortzen dira gainera»
. Gaztea izanik ere, asteburuetan sakrifizio txiki hori egin beharrak ez dio axolarik, pilota emanaldiak oso gustura egiten baititu zuzenean. Hasieran, Arrate Irratiak sekulako tramankulua zeraman frontoira,
«antena garai eta lodi hura ikustean jendeak berehala igartzen zuen zeintzuk ginen»
. Aurrera begira,
«emanaldietan beste norbait ondoan eduki nahiko nuke, bakoitzaren ikuspuntua eskaini ahal izateko»