«W. Allenen film bat dut beti gogoan»
2021eko uztailaren 19a
Txiripaz hasi zen esatari lanetan. Duela 5 urte bikoizketa ikastaro bat egiten hasi eta bere burua probatzeko edo, Donostia bere hiriko Herri Irratian «Azken furgoia» musika saioa aurkezten amaitu zuen. Gero, Euskadi Gaztean ordezkapenak egiten hasi zen, gaur egun arte. Bere saioan asteguneko irrati formula klasikotik aldendu eta berrikuntza zein monografikoei egiten die tarte. Asierrek gogoan du beti Woody Allenen «Radio days» filma, irratiarekiko grina erakusten duelako,
«pertsonaiei, familia giroan zein bakardadean, irratiak sortzen dien zirrara»
. Bere irudiko, irratian oztoporik handiena nork bere buruari jartzen diona da:
«Zure aldartea hor egonda ere, segurtasun falta hori gaindituz gero, edozer egin dezakezu. Pentsatu norbait autoan doala euripean zuri entzuten»