Ausarta bezain arriskutsua da ETB-2ko telesail berria Teleberriaren aitzin ematea: astegunetan 20:25ean; familia osoaren txanda, normalean, gaueko 21:00ak aldera iristen baita. Alabaina, «prime time»an zer nolako konkurrentzia dagoen ikusita, ez da ideia txarra ikusleak erakartzeko. Ea ETB-2ko lehen telesail arrakastatsua den

Askoz sentsibilitate handiagoa erakusten du deskonexioetan TVEk Tele 5ek eta Antena 3k elkartuta baino. Titularren errepasoa euskaraz emateaz gain, kontrazalean, hiztunak egokituz gero, kazetaria euskaraz mintzo da, eta itzulpena, azpitituluekin. Pribatuetan berriz, «eguerdi on» esatea audientzia uxatzaile ote den beldur dira

Arrakasta itzela lortu zuen Wes Cravenen «Scream» euskaraz emango da «Zine oro»n. Zer hobe horretarako Halloween gaua baino; urriaren 31ean, gaueko 21:20etan hasita. Beldurrezko filmen topikoez ongi baliatzen dira, ezusteak bata bestearen atzetik kateatzeko. Gazte jazarriak eta tentsioa amaieraraino. Lehen ordu laurdena da borobilena