Gizartea
Ingurumena
Politika
Ekonomia
Kultura
Euskara
Feminismoa
Hezkuntza
Nazioartea
Iritzia
osteguna 2024ko apirilaren 25an
BRETOIEN ABERTZALETASUNA: HISTORIA BERRIA DA
Abertzaletasuna 70ko hamarkadan berpiztu zen Bretainian. Mugimendu bretoiaren militantziari esker Diwan eskolak sortu ziren. ARB (Armée Révolutionnaire Bretonne) erakundearen lehen ekintzek markatua izan zen hamarkada hura.
«EMGANN» ALDIZKARIA.
ARBk bere pentsamendua «Emgann» agerkarian azaltzen zuen hasieran: independentista eta antikapitalista – Iparraldean Herri Taldeak sortu ziren garaian–. Industrializazioa herri txikietara zabaldu zen. Borroka soziala eta borroka antinuklearra –Plogoff-eko zentral-nuklearraren kontra– biziki azkartu ziren. KAD (Kuzul an distaloliadeg) zen militanteen aldeko sostengu erakundea. Presoen anmistia eta estatuko indar armatuen disoluzioa eskatzen zituen. Amnistiaren ondotik, preso ohiek eta KADeko militanteek Emgann erakundea sortu zuten: abertzale eta ezkerrekoa. Itxaropen guztiak boterera iritsitako frantses Alderdi Sozialistan (PS) jarriak ziren. Aurreko hamarkadan sortua zen UDB (Union Démocratique Bretonne) alderdiaren militante andana bat PSra pasa zen. UDBk ARBren borroka armatua kondenatu izan du bere sorreratik. Ordea, ezkerreko bretoi abertzaleek independentzia aldarrikatzen zuten. Urte oso latzak izan ziren ezker nazionalistarentzat. ARBk bere ekintzak ugaritu zituen: ASSEDIC eta ANPE egoitza sozialen kontra bereziki.
DIWAN ETA SAB.
Abertzaleen lanak ez zituen, ez sozialki ez politikoki, bere une loriotsuenak bizi. Kulturalki azkartuz joan ziren bretoi kontzientzia eta ekimenak, alta. Diwanak ugaritu ziren, eta SAB sortu ere. EHEren (Euskal Herrian Euskaraz) berdina Bretainian. Euskal errefuxiatu ugari Iparraldetik Bretainiara aldatu zen eta euskaldunen eta bretoien arteko elkartasuna indartu. Emgann izan da euskal abertzaleengandik hurbilen dagoen alderdia. UDB zatitua agertu izan da. Borroka armatua kondenatzen badu ere, alderdiaren parte batek euskal nahiz bretoi militanteekiko solidaritatea agertzen du.
ARB-K ERRESISTENTZIAN DIRAU.
ARBk erresistentzia armatua praktikatzen du. Frantziaren estrategia bere esistentzia ukatzea da: «
Hedabideetan ez bazara ateratzen ez zara esistitzen
» lema praktikatzen du. ARBk 86tik 96ra bitartean hogeita hamar ekintza burutu zituen. Côtes D'Armorreko Paimpol eta Finistereko Morlaix-en joan den martxoan. Isiltasuna urratu duten ekintza batzuk burutu ditu ARBk, hala ere. Jean Pierre Chevenement eta Lionel Jospinen herrietan. Ekintza hauek iritzi publikoarekiko dagoen gorreri-hesia apurtu dute nolabait
Gaël Roblin*: "Independentzia historiaren norabidean dago"
Zein dira Emgannen xedeak?
Independentziaz hitz egitea utopikoa al da Bretainian?
Lurraldetasuna ere zuen arazoa da. Loira Bretainitik at ezarri da.
Zein da Emgann-en iritzia ARBz?
Su-eten bat aurreikus daiteke?
Plevineko lehergai lapurretaren ondoko atxiloketez zer esaterik bai?
* EMGANNeko eleduna
Lurraldeen batasuna, hizkuntzaren ofizializazioa, sozialismoa eta independentzia.
Independentziaz hitz egitea utopikoa al da Bretainian?
Independentziaz hitz egitea historiaren norabidean joatea da. Europan gero eta herrialde gehiago dago independentziaren bidean. Ez dago arrazoirik Bretainia atzean geratzeko. Independentzia ez da utopikoa, errealista baizik. Ekonomiari gagozkiolarik, Bretainia da lehen nekazal herrialdea frantses estatuan.
Lurraldetasuna ere zuen arazoa da. Loira Bretainitik at ezarri da.
Ni bertakoa naiz; Naoned-ekoa. Administratiboki ez gara deus. Loira Atlantiarra oso industrializatua da eta Bretainiatik kanpo legez.
Zein da Emgann-en iritzia ARBz?
ARBko militanteak abertzaleak eta burkideak dira guretzat. Herriak behar ditu epaitu, ez guk ez estatuak. ARB –Ipar Euskal Herriko IKren antzera– erresistentzia armatuaren agerle da.
Su-eten bat aurreikus daiteke?
Behatzaile gisara ezetz esango nuke. Ez gaude egoera horretan. ARBk baldintza demokratikoak eskatzen ditu su-eten baterako: Bretainiaren ezagutza, lurraldetasuna eta hizkuntzaren ofizializazioa.
Plevineko lehergai lapurretaren ondoko atxiloketez zer esaterik bai?
Sostengu komiteak antolatu ditugu militante hauek laguntzeko, UDB alderdiaren parte baten solidaritatea ere jaso dugu. Emgannen egunkaria atxikiko dugu. eta urteko biltzar nagusia burutuko ere. Atxiloketa gehiago aurreikusten dugu. Jean Pierre Chevenement Bretainiara dator laster, eta polizi emaitzak behar ditu
* EMGANNeko eleduna
Irakurrienak
Matomo erabiliz
#1
Jenofa Berhokoirigoin
#2
Miel Anjel Elustondo
#3
Karmelo Landa
#4
Juan Aldaz Arregi
Kanal honetatik interesatuko zaizu: Liburuak
2024-04-19
Urko Apaolaza Avila
Euskal Herriaren lehen atlas kartografikoa osatu dute
Ramon Oleagak eta Jose Mari Esparzak egina, 300 mapa dakartza Imago Vasconiae izeneko bildumak eta Interneten ere kontsultagarri dago. Euskal Herriaren historiaren bilakaera irudikatzeko eta "ikerketarako jatorrizko materiala izateko" ezinbesteko tresna sortu dute... [+]
2024-02-11
Kanaldude
'Maite Idirin, herrigintzan kantuz' liburuaren aurkezpena
MULTIMEDIA - solasaldia
2024-01-14
Reyes Ilintxeta
Jose Mari Esparza. Ideia trafikatzailea
"Borrokaren beharra transmititu nahi dut, zerbait berria sortuko da, beti sortu da"
Jose Mari Esparza idazle, editore eta ekintzaile menderaezinak bere lanerako txokoan hartu gaitu, Altaffaylla Kultur Elkartea eta Txalaparta argitaletxearen sorlekuan, liburuz inguraturik. Gaztetan 20 urtez aritu zen Luzuriagaren Tafallako fabrikan lanean eta orain berriki... [+]
2023-11-27
ARGIA
Eva Forest Liburutopia
Utopia letra eta kafe artean elikatzeko liburu-denda
Abenduaren 1ean inauguratuko dute Gasteizko Alde Zaharrean Eva Forest Liburutopia kafe-liburudenda. Proiektua “pentsamenduaren eta kulturaren hedapen eta gozamenerako topalekua” izatea nahi dute bere bultzatzaileek. Hilabeteko programazioa aurkeztu dute jada... [+]
2023-11-05
Miel Anjel Elustondo
Ander Berrojalbiz. Heretikoz, sorginez, Elurzuriz
"Gizartea ezin da ulertu gizakiaren parte magiko sobrenatural hori gabe"
Akelarre saiakera argitaratu zuen 2021ean, eta, iaz, berriz, perla urregorrizko bat: Elurzuriren hiru heriotzak. Grimm anaien ipuin ezaguna berridatzi zuen, eskuizkriburik zaharrena abiapuntu harturik, Grezia zaharreraino joanez, eta Elurzuriren istorioko zenbait elementuri... [+]
Eguneraketa berriak daude