EAJ, HB, EA, IU-EB, AB, Batzarrre, AAB, Senideak, Elkarrik eta beste alderdi eta elkarte ugarik Lizarrako Adierazpena sinatu zuten.

ETAk su-eten mugagabea eta baldintzarik gabekoa –hilaren 18an sartuko zen indarrean– iragarri zuen.

Lehenbiziko noraezaren ondoren, Espainiako Gobernuak bake prozesuari ekiteko prestutasuna agertu zuen.

Hauteskunde Autonomikoak EAEn. Euskal Herritarrok indarra aurkezten da lehenbiziz. EAJ izan zen irabazle eta EHk eta PPk gorakada nabarmenak izan zituzten. Lizarra-Garaziko alderdiak garaile atera ziren.

Jose Maria Aznar Espainiako Gobernuburuak ETArekiko kontaktu zuzenak bahimendu zituen.

HB eta Espainiako Gobernuaren ordezkariak bildu ziren Briviescan.

EHren sostenguarekin Juan Jose Ibarretxe Jaurlaritzako lehendakari izendatu zuen EAEko Legebiltzarrak.

Lizarra-Garaziko alderdiek eta beste elkarte ugarik egindako deialdiari jarraiki, Bilbon egin den manifestazio jendetsuenetakoa izan zen euskal presoen eskubideen alde.

Euskal Herriko Udal Ordezkarien Biltzarra eratu zen Iruñean.

EAJ, EH eta EAk biolentzia guztien aurkako adierazpena adostu zuten Gasteizko Legebiltzarrean; biolentzia gainditzeko, bake prozesuan sakontzearen aldeko apostuan indar egitea erabaki zen.

Polizia frantsesak ustezko sei etakide atxilotu zituen Parisen. Hurrengo egunean, Polizia Nazionalak beste bederatzi pertsona atxilotu zituen Gipuzkoan, ustez Donostia Komandoarekin zerikusirik zutela eta. Ondorengo egunetan, Guardia Zibilak atxiloketa berriak egin zituen, besteak beste, Mikel Egibar, HBko nazioarteko arduradun ohia.

HBko Donostiako egoitza miatu zuen Guardia Zibilak, besteak beste 18 ordenagailu eramanez.

Jose Luis Geresta ustezko etakidea hilda agertu zen Errenteriako zelai batean, tiro batekin buruan eta pistola bat aldamenean. Ezker abertzaleak gerra zikinari egotzi zion hilketa. Bertsio ofizialik ez zen egon baina, orain artean, Ertzaintzak suizidioaren hipotesia lehenetsi du. Zalantza ugari argitu gabe daude oraindik.

Aberri Eguna. Milaka lagunek jarraitu zituzten EAJ, HB eta EAk goizean elkarrekin antolatutako ekitaldiak.

Lizarra-Garaziko alderdiek deituta, dozenaka milaka pertsonek manifestazioa egin zuten Bilbon, «Bakea eraikitzen, Euskal Herriak du hitza» lelopean. Getxoko PPko zinegotzi baten etxebizitza eta autoaren aurkako sabotaiak kalte handiak eragin zituen eraikuntza osoan.

Zabor edukiontziak erretzen harrapatu zuten Iruñeko polizia nazional bat Txantrea auzoan.

1999-2003ko legealdirako akordioa sinatu zuten EAJk, EAk eta EHk.

Udal eta Foru hauteskundeak EAEn eta Nafarroan autonomikoak ere bai. EAJ eta EA elkarrekin aurkeztu ziren, espero baino emaitza kaskarragoa lortuz. EHk gora egin zuen, batez ere Nafarroan.

Gobernu Militarrari hamabost koktelez eraso egin zioten Gasteizen.

Espainiako Auzitegi Konstituzionalak, espetxeratutako HBko Mahai Nazionala aske uztea agindu zuen.

Sevillan, Presoekin Elkartasun Taldeko bi kide,

mozorroturik, 20 minutuz izan ziren eszenario gainean Atletismo Mundialetako hasiera ekitaldian, mundu osoari «Repatriation bask prisoners» leloa erakutsiz.

Espainiako Gobernuburu Jose Maria Aznarrek «bake prozesua geldirik» zegoela iragarri zuen. Maiatzean ETArekin egindako bilera ofizialaren ondoren, bigarren bilera bat ez zela egin publiko eginez. Errua ETA eta HBri egotzi zien.

ETAren prentsa ohar batek, erakundea eta Espainiako Gobernuaren arteko «komunikatzeko bideak» blokeatuta daudela iragarri zuen. «Gutxieneko diskrezio» eza eta «gatazka armatua elkarrizketaren bidez gainditzeko heldutasun eza» leporatzen zion Gobernuari.

Komunikatu luze bat medio, ETAk prozesuaren geldiunea azpimarratu zuen eta EAJren sektore batzuei ausardia eza leporatu zien.

EAJk ez duela ETAren tutoretzarik onartzen jakinarazi zuen