"Zerua ukitu dut filma egiten"
Zineman zure lehen esperientzia izanik, protagonista gisa gainera, ze balorazio egiten duzu?
Beraz, nola egokitu duzu zure burua telebistako dinamikatik zinemaren lan moldera?
Laburki, esaiguzu filmak zer duen kontagai eta nolakoa den Ione.
Hartara, zeruan hain ongi pasatzean, nolakoa izan da lurrartzea berriro? Ez al dizu beldurrik ematen Sararen paper horretan sailkatua geratzeak?
Noiz izango zaituztegu zu eta Ione zine aretoetan ikusgai?
Bizipen ikaragarria izan da niretzat; bost urte telebistan igaro ondoren, kristoren aldea nabaritu dut, ona zentzu guztietan, dena oso ezberdina baita. Telebistan atal bat egiten dugu eguneko, ziztu bizian bata bestearen atzetik. Zinean berriz, dena xehe-mehe zaintzen da.
Beraz, nola egokitu duzu zure burua telebistako dinamikatik zinemaren lan moldera?
Ba, enetzat filmaketaren mekanika hartzea izan da gauzarik zailena. Buruz ikastearen kontuaz aparte, gainontzeko guztia ikasi behar izan baitut; esaterako, argiak, mugimenduak, kameraren kokapenak duen garrantzia, begiraden norabidea, lehen planoak, eta abar.
Laburki, esaiguzu filmak zer duen kontagai eta nolakoa den Ione.
Film hau beste filmaketa baten barruan gertatzen da, alegia, moja batzuk zuzendari bati beraiei buruzko film bat egin dezala manatzen diote. Halaxe, bi lantalde daude aldi berean: filmekoa eta film barrukoa. Aktoreak aktoreena egiten. Ioneri dagokionez, orain arte egin dudanetik zeharo ezberdina dela esan behar, aski konplexua. Ionek aktorea izan nahi du, baina izaera gogorrekoa denez, kanpotik behintzat, arazo franko ditu produktore eta zuzendariekin. Prozesu horretan murgilduta dagoela, bizitza nolakoa den ikasten joango da eta, azkenean, filman paper txiki bat lortu.
Hartara, zeruan hain ongi pasatzean, nolakoa izan da lurrartzea berriro? Ez al dizu beldurrik ematen Sararen paper horretan sailkatua geratzeak?
Hilabete t'erdiko oporraldia hartu dut nolabait betiko martxarekin ohitzeko. Hain zuzen, niretzat aurrerapauso nabarmena izan da. Egia esanda, txip-a astebeteren buruan berriro jarri dudan arren, beldur hori badut, hau da, bost urteren ondoren ikusleak leporaino egotea gurekin. Baina tira, audientzia ona ematen jarraitu bitartean...
Noiz izango zaituztegu zu eta Ione zine aretoetan ikusgai?
Orain muntatzen ari dira eta, esan didatenez, goiz jota udaren hondarrean egongo da prest. Donostiako Zinemaldian aurkeztea espero dute. Ni bitartean, irrikitan nago zer moduzko harrera izango duen ikusteko. Ilusio handia dugu denok