Lourdes Bedia, Oscar Terol eta Javier Merinok osatzen duten Lourvier's taldea aurki itzuliko da Euskal Telebistara. Atal berriak prestatzen hasiak dira dagoeneko. Saioak ez du aurrekoaren egitura bera izango, ezta dekoratu bera ere. Oraingo atalek ordubeteko iraupena izango dute eta pertsona ospetsuak agertuko omen dira

Bada makina bat urte Euskal Telebistan musika saiorik egiten ez dena. Telebistaren hastapenetan izan zen bat, gerora egin ziren beste batzuk, baina azken boladan ez da deus izan. Orain badirudi berreskuratu nahi dela eta aurki antenan izango dugula. Euskadi Gazteako Joseina Etxeberria izango da programa berri honen gidaria

Eusko Jarlaritzako Hezkuntza, Unibertsitate eta Ikerketa Sailak bultzatzen duen «Ikusgela» saioak ekaina arte jarraituko du ETB1ean. Aste honetatik hasita eta ekainera arte 94 saio berri eskainiko dira. Jokin Oregi eta Izaro Iraetak aurkezten duten haurrei zuzendutako saioa egunero ikus daiteke euskarazko katean