Gabi Isasa, Eguzkiko kidea: «Errausketa zentroa kutsadura fabrika da»
Birziklaketa alorrean egiten ari denarekin ados egon arren, Foru Aldundia oraingo kanpainarekin egiten ari dena salatu nahi dugu. Errausketa zentroaren propaganda ez egitea, alegia. Papera biltzeko edukinontziak jartzen ari dira eta euren ideiak oso ondo saltzen ari dira, baina bestalde, Foru Aldundia errausketa zentroak jartzeko aurrerapausoak ematen ari da. Birziklaketa eta errausketa zentroak guztiz kontrajarriak dira, baina Foru Aldundiak ez du honetaz hitz egiten.
Proiektuaren alderdi politena erakusten ari da, baina jende gehienak gaizki dagoela uste duena, errausketa zentroa, ez du aipatu ere egiten.
Errausketa zentroa, azken batean, kutsadura fabrika da. Zaborra dioxina, furano, gasak... bihurtzen du eta hori oso kaltegarria da ingurugiro eta jendearentzat.
Errausketa zentroak zabor asko behar du energia sortu eta errentagarria izateko eta zaborraren zati handi bat birziklatzen badugu, ez da zabor nahikoa egongo. Azkenean, zaborra kanpotik ekarri edo birziklatzeari utzi beharko zaio.