«Sari hau, nere piano ikasketetan urrats bai besterik ez da»
Hogeitabat urte bsterik ez ditunen pianojole donostiar honek Ikasketa Amaierako sari nazionala irabazi du duela gutxi. Josu Okinena Donostiako Orfeoian ere aritzen da laguntzaile gisa, eta sari honetaz gain Donostiako Kontserbategiko guztiak eskuratu ditu.
Lau urtetako lanaren emaitza izan da saria. Denbora horretan gogor lan egin ondoren asko ikasi dut, eta horrelako lehiaketa batera aurkeztea beti izaten da sekulako poza. Are gehiago saria eskuratzen baduzu. Dena den, urrats bat besterik ez da. Zerbait lortu nahi baduzu helburuak pixkanaka jarri behar dituzu, xede bakoitza lasterketaren gailurra izan gabe.
Atzerrian egingo ditut ikasketak. Datorren urtean joango naiz. Nahiz eta zenbait gauza begiratu, oraindik ez dut erabaki zer egin. Hala ere, argi daukat teknika zabaldu, landu eta ahalik eta gehien garbitu behar dudala, eta musikari asko entzun nere berezko estiloa lortu ahal izateko.
Orain arte ez naiz aritu orkestra bateko partaide gisa, baina piano eta orkestrarako kontzertu bat egiteko asmoa dut. Kontzertu bat landu eta muntatu egin behar da, baina gauzak ondo ateratzen bazaizkit, laster egingo dut.