«Liga Txapelketa irabaztearekin nahikoa dugu»

Iñaki Bolea, Txuri-Urdin Izotz Hockey Klub-eko entrenatzailea
«Liga Txapelketa irabaztearekin nahikoa dugu»
ARGIA. Nola azaldu daiteke euskal hockey taldeen arrakasta?
IÑAKI BOLEA. Azken urteetan asko landu da kirol hau. Instalazioak ez ziren falta, eta gainera badagó harreman berezi bat euskaldunak eta kirol honen artean.
A. Zenbat jokalari daude zure gidaritzapean?
I.B. Lehen ekipoan hogei. Oso gazteak dira denak, poloniarrak izanik zaharrenak.
A. Aurtengoan lehenak zaudete sailkapenean, zer espero duzue lortzea?
I.B. Liga txapelketa irabizi nahi dugu, eta horrekin nahikoa dugu. Egia esan, aurten oso lasai gabiltza aspaldiko partez, ez baitugu arazo ekonomikorik izango. Aurtengoan badakigu urtea amaitu ahal izango dugula, beti kezka horrekin ibili ondoren.
A. Beti pentsatu izan da hockeya kirol bortitza eta gogorra dela...
I.B. Bai, eta ni beti horren aurkakoa izan naiz. Komunikabideetan eskaintzen zaizkigun irudiak beti oso bortitzak izaten dira, baina ikusgarritasuna eta abiadura handia dira kirol honen ezaugarriak.
Izotz hockeyan hartzen diren kolpeak ikusgarriak izaten dira, baina ongi babestuak ateratzen gara pistara, eta ez dugu min handirik hartzen.
A. Baina zuk ere kolpe bortitz baten ondorioz utzi zenion jokatzeari...
I.B. Bai. Hamabi urte nituenean hasi nintzen patinatzen. Beti Txuri-Urdinen. Jubeniletan estatu mailako txapel guztiak irabazi genituen, eta maila gorengoan Liga eta Kopa.
Hogeitabi urte nituenean, Puigçerda-ren aurkako norgehiagoka batean, makilarekin aurpegian kolpe bat eman zidaten, eta begia oso egoera txarrean geratu zitzaidan. Hiru operazio jasan nituen. Ordutik ez dut gehiago jokatu. Edozein ikutuk berriro minduko lidake begia.
A. Eta nola ohitu zinen eserlekuan geratzera?
I. B. Oso gogorra izan zen. Hamar urte izotz pistan pasatu ondoren, ezin nintzen ohitu ikusle paperean. Gainera, oso gaztea nintzen. Hogeitabi urte nituen eta prestatzen nituen jokalari asko ni baino zaharragoak ziren. Baina hori gainditu dut.
36

GaiezKirolaHokeya
PertsonaiazBOLEA1