"EAJren emaitzarik nagusiena beste alderdiekiko lankidetza izan da"
1991ko maiatzaren 12a
Bilboko alkatea den Jesus M. Duñabeitiari elkarrizketa.
Jesus M. Duñabeitia, Bilboko alkatea EAJren izenean:
"EAJren emaitzarik nagusiena beste alderdiekiko lankidetza izan da"
ARGIA. EAJk udalan desarroilatutako lanari zer deritzozu?
J.M. DUÑABEITIA. Ona izan da eta legealdi bakoitzak hobetuko du udalaren egoera. Elkarrekin bizitzen eta Bilboren aldeko aldeko lanak koordinatzen ikasten ari gara. EAJren emaitzarik nagusiena beste alderdiekin lankidetza sakontzea izan da.
A. Zelan dakusazu zure lana bost hil hauetan?
J.M.D. Nire pentsaerak eta kriterioak jaraitu ditut. Giroa larri samar zebilen, udala normaltasunera eramaten saiatu naiz eta lortu egin dela pentsatzen dut. Egoera hau gertatu egin da, nire gain hartu dut eta alkate izateaz harro nago. Zerbitzen ari naiz, ez agintzen.
A. Zelan ikusten duzu udal etorkizuna?
J.M.D. Gero eta garbiago. Udalaren harremanak beste erakundeekin estutzen doaz. Bilboko Udalak ezin du bakarrik bizi, sostenguak behar ditu.
A. Zenbat diru behar du Bilboko Udalak eta zein da lehenengo premia?
J.M.D. Diru pila, mugarik gabe. Planteiamendu ekonomikoen falta nabaria da eta Bilbok Komunitate Autonomikoaren udalik nagusiena izanda behar handiagoak ditu. Nik dirua marjinazioarekin bukatzeko erabiliko nuke. Jende asko sufritzen ari da.
A. Gorordo gogoratuz Ortuondo ez da apala, grisa kontsideratua izango al da?
J.M.D. Ortuondok gaitasuna dauka eta mintzatzeko prest dago. Gainera pertsona bere lanagatik ezagutua izan behar da, eta bilbotarrok lan horiek ikusiko ditugu. Horregatik ez da beharrezkoa populista, apala edo grisa izatea. Lan isila egin behar da, hainbeste hitzegin gabe.
A. EAJk gehiengoa lortuko du maiatzaren 26an?
J.M.D. Nik uste dut baietz, horregatik gaude borrokan abertzaleok.
A. Gorordo ordezkatzea oso gogorra izan da?
J.M.D. Gogorra da Bilboko alkatea izatea, arazoak oso handiak eta zailak direlako. Bilboko alkate bezala dudan penarik handiena da, ezin izango dugula arazo guztietara heldu.
A. Nork okupatzen du lehenengo postua: alderdia edo Bilbo?
J.M.D. Hau galdera! Alderdiarentzat inportanteena Bilbo da, beraz nik alderdiaren norabidea jarraitzen Bilboren onerako dedikatu ditut esfortzuak.
A. Gorordok Bilbo EAJren aurretik jartzen zuen.
J.M.D. Gorordo Gorordo da eta Duñabeitia Duñabeitia.
Amaia Nabaskues
13
