"HAEOk inmobiliaria eta banketxeen interesak zaintzen ditu"
Plangintza Orokorrak diktaduratik datozkigun akatsak konpondu beharko lituzke, baina helburua ez da hori, antzinako politikari dakie, orube berriak plusbalia sortzeko alegia. HAEOk inmobiliaria eta banketxeen interesak defenditzen ditu, baina irudia gordetzeko eta jentea ixilarazteko barrutiko anbulategiak -ezta auzoak ere- zabalduko dituzte. Diru publikoaz sare urbanoa birmoldatuko da, erabili gabe geratzen diren lur eremuetan eraiki eta plusbaliak lortzeko.
Miribilla eta Mina del Morro bitartean eta Deustuko kanalaren gainean eskalestrix tankerako errepide erasokorrak eraikiko dituzte, baina azpiegitura hauek hirian orekatuago egon beharko lukete. Oraingo bidegintza egitamua luza arazten digute, ez da jotzen hiria ibiltzekoa izan dadin.
Ezinbestekoa da bertoko eta bisitarientzako aparkaleku politiko publiko bat egitea. Badira frankismotik datozen aparkaleku pribatuak administrazioak berreskuratu beharko lituzkeenak. Bestalde, ezinbestekoa da garraio publikoa hobetzea, jenteak ez dezan hiri barnean kotxez ibili beharra.
Mahai gainean jarri behar dira arazo guztiak dauden lehentasunak aztertzeko, eta hor auzoen beharrak ere jarri. Etxadi ikurrak (erakusketa jauregia, teknikaren museoa etab.) ondo daude baina lehentasuna auzoetako gabeziak konpontzean dago.
Egunetik egunera egitamu partzialak aldatzen dituzte negozio pribatuak egiteko. Hau da Dolaretxeko ibarrean gertatu dena, hemen 700 aparkaleku eta merkatal gune bat eraiki nahi dute, gune berdea eskatzen duten auzokideen eritziaren kontra.